Медаль «Баявая садружнасць» (Сірыя)

Медаль «Баявая садружнасць» (Сірыя)
Медаль «Баявая садружнасць» (Сірыя)
Арыгінальная назва	араб. الصداقة القتالية‎
Краіна	Сірыя
Тып	медаль
Каму ўручаецца	расійскія вайскоўцы і грамадзянскія асобы
Кім уручаецца	міністрам абароны Сірыі
Дата заснавання	студзень 2016
Статус	уручаецца

Медаль «Баявая садружнасць» (араб. مجتمع القتال‎; поўная назва — сірыйска-расійская баявая садружнасць, араб. التعاون العسكري السوري الروسي‎) — дзяржаўная ўзнагарода Сірыйскай Арабскай Рэспублікі. Заснавана ў студзені 2016 года з мэтай узнагароджання грамадзян Расійскай Федэрацыі за ўдзел у ваеннай аперацыі супраць тэрарыстычных фармаванняў.

Апісанне

Медаль уяўляе сабой круглы залаты медальён дыяметрам 38 мм, па цэнтры якога размешчана гранёная пяціканцовая зорка са скрыжаванымі за ёю стрэльбамі. Ніжэй зоркі размяшчаецца поціск рукі, вышэй дзяржаўныя сцягі Расіі і Сірыі. Па крузе медальёна нанесены рэльефны тэкст — «Сірыйска-расійская баявая садружнасць», зверху на арабскай, знізу на рускай мовах.

На рэверсе медалі намаляваны герб Узброеных сіл Сірыі.

Медаль пры дапамозе кольца мацуецца да стужкі.

Стужка муаравая, шырынёй 31 мм, тры роўнавялікія паласы: чорная, белая і чырвоная — колеры дзяржаўнага сцяга Сірыі. На белай паласе стужкі вышыты дзве зялёныя пяціканцовыя зоркі.

Разам з медалём узнагароджанаму ўручаецца лацканы знак «Баявая садружнасць» і пасведчанне да медаля.

Уручаецца загадам намесніка Вярхоўнага галоўнакамандуючага — намесніка Старшыні Савета Міністраў — міністра абароны Сірыйскай Арабскай Рэспублікі.