Мерыда (Венесуэла)

Горад Мерыда Mérida Герб Сцяг Краіна  Венесуэла Каардынаты 8°35′ пн. ш. 71°08′ з. д.HGЯO Заснаваны 1558 Плошча 25 км² Вышыня цэнтра 1630 м Насельніцтва 345 489 чалавек (2001) Шчыльнасць 8000 чал./км² Часавы пояс UTC-4[1] Тэлефонны код 274 Паштовы індэкс 5101 Афіцыйны сайт merida.gob.ve Мерыда на карце Венесуэлы

Медыяфайлы на Вікісховішчы

Мерыда (ісп.: Mérida, поўная назва Santiago de los Caballeros de Mérida) — горад на захадзе Венесуэлы. Сталіца і найбуйнейшы горад штата Мерыда. Насельніцтва каля 300 тыс. жыхароў, з прыгарадамі — больш за 500 тыс.

Горад размешчаны ў горнай даліне на вышыні 1630 м паміж хрыбтамі, якія ўваходзяць у горную сістэму Кардыльера-дэ-Мерыда (частка Анд). Месца размяшчэння самай высакагорнай (найвышэйшы пункт 4765 м) і другой па даўжыні ў свеце (12,5 км) канатнай дарогі Teleférico de Mérida, з якой адкрываецца від на пік Балівар.

Першы раз Мерыда была заснаваная нелегальна ў 1558 г. іспанцам Хуанам Радрыгесам Суарэсам, які назваў яе Сант’яга-дэ-Лос-Кабальерас-дэ-Мерыда. З-за адсутнасці дазволу іспанскай кароны на будаўніцтва горада Суарэс быў арыштаваны і адпраўлены ў Багату. Напярэдадні вынясення смяротнага прысуду іспанец знік і схаваўся ў Трухільё (Венесуэла), дзе атрымаў палітычны прытулак. Другі заснавальнік Мерыды, Хуан дэ Мальданада, валодаў неабходным дазволам.

Мерыда, якая знаходзіцца ў атачэнні гор, доўгі час была правінцыйным горадам. За некалькі стагоддзяў здарылася ўсяго некалькі знамянальных падзей: моцны землятрус 1820 года і двухразовы візіт Сімона Балівара па шляху ў Калумбію і пры вяртанні ў Каракас.

• Мерыда — універсітэцкі горад, дзе вучыцца каля 40 000 студэнтаў.
• У горадзе налічваецца 28 гарадскіх паркаў — больш, чым у любым іншым горадзе Венесуэлы.
• Кожны год у Мерыдзе праводзіцца фестываль Ферыя дэль Соль.

• Мерыдскі дзяржаўны сімфанічны аркестр
• Андскі ўніверсітэт, Венесуэла

• Merida.gob.ve Архівавана 13 студзеня 2020. (ісп.)