Многакарэннік звычайны

Многакарэннік звычайны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Ароннікавыя Падсямейства:  Раскавыя Род:  Многакарэннік Від:  Многакарэннік звычайны
Міжнародная навуковая назва
Spirodela polyrrhiza (L.) Schleid. (1839)
Сістэматыка на Віківідах Выявы на Вікісховішчы ITIS   42599 NCBI   29656 GRIN   t:11415 IPNI   526250-1 TPL   kew-194600

Многакарэннік звычайны^[1] (Spirodela polyrhiza) — шматгадовая водная травяністая расліна роду Многакарэннік (Spirodela) падсямейства Раскавыя (Lemnoideae).

Расліна нагадвае маленькі ліст, які плавае на паверхні вады. Трапляецца паасобку, групамі па 2—5 або спіральна закручанымі ланцужкамі з 8 раслінак. Лісцец (недаразвітае сцябло) накшталт пласцінкі даўжынёю 3—10 мм і шырынёю 1,2—8 мм, плоскі, тоўсты, шырокаяйцападобны або круглаваты, іншы раз ныркападобны, з абодвух бакоў з маленькімі лускавінкамі (недаразвітае лісце), знізу часта чырвоны ці чырванавата-фіялетавы. Каля асновы лісцеца — 2 вузкія шчылінападобныя кішэнькі (у іх закладваюцца вегетыўныя пупышкі, якія даюць пачатак даччыным раслінам; іншы раз у адной з кішенек развіваецца суквецце — 2 тычынкавыя і 1 песцікавая кветкі), а знізу ад яго адыходзяць пучкамі па 5—15 фіялетава-пурпуровыя ніткападобныя карэньчыкі (адсюль назва). Кветкі аднаполыя, без калякветніка, тычынкавыя — з 1 тычынкай, песцікавыя — э 1 песцікам.

Плод (калі ён утвараецца) 1—6-насенны, не раскрываецца.

Расце ў стаячай і павольнай вадзе азёр, сажалак, канаў. Цвіце рэдка, звычайна летам. Зімуе на дне вадаёмаў у выглядзе бура-чырвоных парасткаў, якія выпадаюць з кішэнькі; увесну з іх развіваюцца новыя расліны і ўсплываюць на паверхню вады.

Расліна вырашчваецца ў акварыумах. Выкарыстоўваецца ў народнай медыцыне.

• Многакарэннік // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 397—398. — 588 с., іл. — 10 000 экз.
• Губанов И. А., Киселёва К. В., Новиков В. С., Тихомиров В. Н. 308. Spirodella polyrrhiza (L.) Schleiden — Многокоренник обыкновенный // Иллюстрированный определитель растений Средней России. В 3-х томах. — М.: Т-во науч. изд. КМК, Ин-т технолог. иссл, 2002. — Т. 1. Папоротники, хвощи, плауны, голосеменные, покрытосеменные (однодольные). — С. 410. — ISBN 8-87317-091-6.
• Многокоренник // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

• Многокоренник обыкновенный: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Spirodela polyrhiza (L.) Schleid. (Многокоренник обыкновенный) у базе біяразнастайнасці на сайце інфармацыйна-аналітычнай сістэмы «ООПТ России». (руск.)
• Ряска // Архив природы России Архівавана 20 красавіка 2023. (руск.)