Мост цераз Дубравенку (Магілёў, вуліца Лазарэнкі)

Мост цераз Дубравенку
Мост цераз Дубравенку
	Каардынаты: 53°54′00″ пн. ш. 30°19′42″ у. д.HGЯO
Вобласць ужывання	аўтамабільны, пешаходны
Перасякае	р. Дубравенка
Месца размяшчэння	г. Магілёў, Магілёўская вобласць, Беларусь
Канструкцыя
Матэрыял	жалезабетон
Колькасць пралётаў	6
Агульная даўжыня	199 м
Шырыня моста	27 м
Эксплуатацыя
Адкрыццё	2007
	Медыяфайлы на Вікісховішчы

Мост цераз Дубраве́нку — сумешчаны аўтадарожны мост-пуцеправод у Магілёве цераз раку Дубравенку і вуліцы Левая і Правая Дубравенкі. Злучае гістарычны цэнтр горада (левы бераг) і Віленскае прадмесце (правы). Па мосце праходзіць вуліца Лазарэнкі.

Гісторыя

Існаваў з Сярэднявечча на шляху з горада ў бок Вільні, сталіцы Вялікага Княства Літоўскага.

У 1960 годзе пабудаваны жалезабетонны мост, які меў тры пралёты, яго даўжыня складала 18 м, шырыня 15 м^[1].

У 2007 годзе ўзведзены і адкрыты для руху новы мост, афіцыйна здадзены ў эксплуатацыю ў 2008 годзе. Новы мост мае 6 пралётаў, агульнае даўжыня складае 199 м, шырыня — 27 м^[2]. Мост пачынаецца амаль ад самай Тэатральнай плошчы, праз што апынуўся надзвычай высокім і цалкам схаваў гістарычную забудову па няцотным боку вуліцы Лазарэнкі, забудова па цотным боку была знішчана.

У 2011 годзе Камісія па тапаніміцы і ўвекавечанні гістарычнай і культурнай спадчыны Магілёва падтрымала калектыўны зварот грамадзян з прапановай прысвоіць мосту назву «Віленскі мост»^[3]. Але праз памылку чыноўнікаў рашэнне не набыло законную моц, і мост застаўся безыменным.