Мікалай Васілевіч Спірыдонаў

Мікалай Васілевіч Спірыдонаў
Мікалай Васілевіч Спірыдонаў
Дата нараджэння	15 сакавіка 1943 (82 гады)
Месца нараджэння	Бішкек, Кіргізская Савецкая Сацыялістычная Рэспубліка, СССР;
Грамадзянства	СССР; Беларусь;
Род дзейнасці	навуковец
Навуковая сфера	машынабудаванне
Месца працы	БНТУ;
Навуковая ступень	доктар тэхнічных навук (1990)
Навуковае званне	прафесар;
Альма-матар	БПІ;
Узнагароды	;

Мікалай Васілевіч Спірыдо́наў^[1] (нар. 15 сакавіка 1943) — вучоны ў галіне машынабудавання, доктар тэхнічных навук (1990), прафесар (1994).

Біяграфія

Нарадзіўся ў горадзе Фрунзэ (сучасны Бішкек). У 1965 годзе скончыў Беларускі політэхнічны інстытут. У 1968—1970 гадах працаваў старшым выкладчыкам у Наваполацкім філіяле Беларускага політэхнічнага інстытута. З 1970 года М. В. Спірыдонаў на машынабудаўнічым факультэце Беларускага політэхнічнага інстытута, у 1977—1992 гадах на пасадзе загадчыка лабараторыі плазменнай металізацыі.

Навуковая дзейнасць

Аўтар навуковых прац па тэхналогіі і абсталяванню павышэння трываласці і даўгавечнасці паверхняў з выкарыстаннем высокаканцэнтраваных патокаў энергіі (лазерных, плазменных і інш.). Сааўтар шэрагу патэнтаў.

Сярод апублікаваных прац:

Лазерные и плазменные методы упрочнения деталей машин. — Мн., 1988. (разам з А. С. Кабяковым, І. Л. Купрыянавым);
Композиционные армированные газотермические покрытия для вытяжки проволоки // Машиностроение: Республиканский межведомственный сборник научных трудов. — Мн., 2000. Вып. 16.

Узнагароды

Медаль «У адзначэнне 100-годдзя з дня нараджэння Уладзіміра Ільіча Леніна» (1970)
Залаты і сярэбраны медалі ВДНГ СССР (1987, 1988)

Зноскі

↑ БелЭн 2002.

Літаратура

Спірыдо́наў Мікалай Васілевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 116. — 10 000 экз. — ISBN 985-11-0035-8. — ISBN 985-11-0251-2 (т. 15).