Мікалай Кузьміч Спірыдзенка

Мікалай Кузьміч Спірыдзенка
Род дзейнасці	настаўнік
Дата нараджэння	12 студзеня 1917(1917-01-12)
Месца нараджэння	Шумілінскі раён, Віцебская вобласць, Беларусь
Дата смерці	27 снежня 1980(1980-12-27) (63 гады)
Месца смерці	Масква, РСФСР, СССР
Месца пахавання	Кунцаўскія могілкі[d]
Грамадзянства	СССР
Альма-матар	Ваенная акадэмія Генеральнага штаба Узброеных Сіл Расійскай Федэрацыі Ваенна-паветраная акадэмія імя Ю. А. Гагарына
Прыналежнасць	СССР
Бітвы/войны	савецка-фінляндская вайна Вялікая Айчынная вайна
Узнагароды і прэміі

Мікалай Кузьміч Спірыдзе́нка^[1] (30 снежня 1916 (12 студзеня 1917), вёска Беразуга, Гарадоцкі павет, цяпер Шумілінскі раён — 27 снежня 1980) — Герой Савецкага Саюза (1945), генерал-маёр (1961).

Скончыў Віцебскі аэраклуб (1937), Барысаглебскую ваенную авіяшколу лётчыкаў (1938), Ваенна-паветраную акадэмію (1950), Ваенную акадэмію Генштаба (1957).

З 1937 года ў Чырвонай Арміі. Удзельнік савецка-фінляндскай вайны. У Вялікую Айчынную вайну з чэрвеня 1941 года на Паўночна-Заходнім, Паўднёва-Заходнім, Заходнім, 2-м Беларускім франтах. Камандзір эскадрыллі, намеснік камандзіра знішчальнага авіяцыйнага палка маёр М. К. Спірыдзенка зрабіў 337 баявых вылетаў, удзельнічаў у 85 паветраных баях, збіў 15, у групе 6 самалётаў праціўніка.

Да 1970 года ў Савецкай Арміі, у 1962—1970 гадах выкладчык ваеннай акадэміі. Жыў у Маскве.

• Спірыдзенка Мікалай Кузьміч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 115—116. — 10 000 экз. — ISBN 985-11-0035-8. — ISBN 985-11-0251-2 (т. 15).
• Спірыдзенка Мікалай Кузьміч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 573. — 680 с. — 20 000 экз. — ISBN 5-85700-012-2.