Мікалай Мікалаевіч Сідарэнка

Мікалай Мікалаевіч Сідарэнка
руск.: Николай Николаевич Сидоренко
Асабістыя звесткі
Дата нараджэння	28 верасня 1905(1905-09-28)
Месца нараджэння	Курск, Курская губерня, Расійская імперыя
Дата смерці	24 снежня 1980(1980-12-24) (75 гадоў)
Грамадзянства	Расійская імперыя  СССР
Альма-матар	Маскоўскі політэхнічны ўніверсітэт[d]
Месца працы	Літаратурны інстытут імя А. М. Горкага
Прафесійная дзейнасць
Род дзейнасці	паэт, перакладчык
Узнагароды

Мікалай Мікалаевіч Сідарэ́нка^[1] (руск.: Николай Николаевич Сидоренко; 28 верасня 1905 — 24 снежня 1980) — рускі савецкі паэт і перакладчык.

Нарадзіўся ў Курску. Скончыў факультэт суднавай механікі Маскоўскага механіка-электратэхнічнага інстытута імя М. В. Ламаносава ў 1931 годзе. Удзельнік Вялікай Айчыннай вайны. Прызваны на службу 27 ліпеня 1941 года, на Ціхаакіянскі флот^[2]. Прымаў удзел у баявых дзеяннях у складзе ў Волжскай і Дняпроўскай ваенных флатылій. Працаваў у рэдакцыях газет «Боевая Вахта» Ціхаакіянскага флоту, «Красный Днепровец» Дняпроўскай флатыліі^[2]. Пасля дэмабілізацыі ў 1945 годзе працаваў у Літаратурным інстытуце імя М. Горкага ў Маскве^[3].

Друкавацца пачаў з сярэдзіны 1920-х гадоў (у 1925 годзе^[3]). Аўтар лірычных твораў грамадзянска-патрыятычнай тэматыкі, зборнікаў «Салют» (1926), «Вершы на вахце» (1942) «Незабыўнае» (1959), «Завеі і лебедзі» (1970), «Трыліснік» (1980) і інш. Пераклаў на рускую мову вершы і паэму «Курган» Янкі Купалы, таксама вершы А. Куляшова, С. Грахоўскага, К. Кірэенкі, А. Пысіна^[1].

• Ордэн Айчыннай вайны II ступені^[2]
• Медаль «За перамогу над Германіяй у Вялікай Айчыннай вайне 1941—1945 гг.»^[2]

• Мішчанчук М. І. Сідарэнка Мікалай Мікалаевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 369. — 10 000 экз. — ISBN 985-11-0035-8. — ISBN 985-11-0238-5 (т. 14).

• Память народа — электронный банк документов периода Великой Отечественной войны Архівавана 19 снежня 2021. (руск.)
• Музейный комплекс «Дорога памяти» Архівавана 19 снежня 2021. (руск.)
• СИДОРЕНКО, Николай Николаевич // Курская энциклопедия (руск.)