Мінская плошча (Кіеў)

Мі́нская плошча — плошча ў жылым масіве Абалонь Абалонскага раёна Кіева.

Размешчана на скрыжаванні Абалонскага праспекта і вуліцы Ляўка Лук’яненкі.

Узнікла ў канцы 1970-х гадоў як безназоўная плошча на стыку новапракладзеных вуліц. Сучасная назва — з 1982 года.

У 1960-1970-я гады Мінскай плошчай таксама называлі і месца скрыжавання праспекта Чырвоных Казакоў (цяпер — праспект Сцяпана Бандэры) і вуліц Новаканстанцінаўскай і Дзям’яна Каротчанкі (цяпер — вуліца Алены Тэлігі) на Куранёўцы (у XIX — 1-й палове ХХ стагоддзя — Траецкая рыначная плошча).

На плошчы размешчаны: сквер з помнікам Арханёлу Міхаілу — заступніку Кіева, рынак «Мінскі», рэстаран хуткага абслугоўвання «McDonald’s», дом побыту «Абалонь» і дзяржаўная раённая адміністрацыя Абалонскага раёна Кіева.

50°30′44,20″ пн. ш. 30°29′54,70″ у. д.^HGЯO

• Тралейбусы 24, 34
• Аўтобусы 88, 99
• Маршрутнае таксі 170, 204, 243, 472, 464, 476, 485, 506, 530, 559
• Станцыя метро «Мінская»

01032

• «Улицы Киева». Справочник. / Под ред. Кудрицкого А. В. — Киев: «Украинская энциклопедия им. М. Бажана», 1995. — 352 с. — ISBN 5-88500-070-0.

• Вэб-энцыклапедыя Кіева Архівавана 6 жніўня 2011.