Міхаіл Канстанцінавіч Рагоўскі

Міхаіл Канстанцінавіч Рагоўскі
Дата нараджэння	15 чэрвеня 1925(1925-06-15)
Месца нараджэння	в. Няжараўка, Любанскі раён, Мінская вобласць
Дата смерці	5 снежня 1981(1981-12-05) (56 гадоў)
Месца смерці	Любанскі раён, Мінская вобласць
Грамадзянства	СССР
Прыналежнасць	СССР
Род войскаў	пяхота
Гады службы	1944—1949
Званне
Бітвы/войны	Вялікая Айчынная вайна
Узнагароды і званні

Міхаіл Канстанцінавіч Рагоўскі (15 чэрвеня 1925, Любанскі раён, Мінская вобласць — 5 снежня 1981) — савецкі вайсковец, удзельнік Вялікай Айчыннай вайны, поўны кавалер ордэна Славы, камандзір аддзялення 498-га стралковага палка 132-й стралковай дывізіі 47-й арміі 1-га Беларускага фронту, сяржант.

Нарадзіўся 15 чэрвеня 1925 года ў вёсцы Няжараўка Любанскага раёна Мінскай вобласці ў сялянскай сям'і. Беларус. Скончыў 5 класаў.

Падчас Вялікай Айчыннай вайны, знаходзіўся на часова акупаванай тэрыторыі Беларускай ССР і з 1942 года па чэрвень 1944 года ваяваў у 64-й партызанскай брыгадзе імя Чкалава.

У Чырвонай Арміі і на фронце з ліпеня 1944 года. Асабліва вызначыўся ў баях на тэрыторыі Польшчы і Германіі.

Камандзір аддзялення 498-га стралковага палка сяржант Міхаіл Рагоўскі 15 студзеня 1945 года пры пашырэнні плацдарма на левым беразе ракі Вісла ў раёне на захад ад польскага горада Яблонна-Легьонава ў рукапашнай сутычцы знішчыў трох праціўнікаў.

Загадам па 132-й стралковай дывізіі ад 23 студзеня 1945 года за мужнасць і адвагу праяўленыя ў баях сяржант Рагоўскі Міхаіл Канстанцінавіч узнагароджаны ордэнам Славы 3-й ступені^[1].

У баі за польскі населены пункт Загемюль, размешчаны ў чатырох кіламетрах на паўночны захад ад польскага горада Дейч-Кроне, 1 лютага 1945 года камандзір аддзялення 498-га стралковага палка сяржант Міхаіл Рагоўскі у ліку першых уварваўся ў Загемюль і аўтаматным агнём падавіў варожую кулямётную кропку.

Загадам па 47-й арміі ад 5 сакавіка 1945 года за мужнасць і адвагу праяўленыя ў баях сяржант Рагоўскі Міхаіл Канстанцінавіч узнагароджаны ордэнам Славы 2-й ступені^[1].

Пры прарыве абароны праціўніка 14 красавіка 1945 года на ўсход ад населенага пункта Ной-Барнім, размешчанага ў адзінаццаці кіламетрах на ўсход ад германскага горада Врыцэн, камандзір аддзялення 498-га стралковага палка сяржант Міхаіл Рагоўскі гранатамі разбіў кулямётнае гняздо, затым з аўтамата знішчыў шасцярых варожых салдат, палягчаючы прасоўванне сваёй пяхоце. У гэтым баі ён замяніў выбыўшага са строю камандзіра ўзвода і асабістым прыкладам павёў байцоў за сабой.

Указам Прэзідыума Вярхоўнага Савета СССР ад 31 мая 1945 года за ўзорнае выкананне заданняў камандавання ў баях з нямецка-варожымі захопнікамі сяржант Рагоўскі Міхаіл Канстанцінавіч узнагароджаны ордэнам Славы 1-й ступені, стаўшы поўным кавалерам ордэна Славы^[1].

Дзень Перамогі воін сустрэў на берагах ракі Эльбы, і працягваў несці вайсковую службу. У 1949 годзе старшына Рагоўскі М. К. дэмабілізаваны.

Жыў у вёсцы Дарасіно Любанскага раёна Мінскай вобласці. Працаваў лесатэхнікам ва Урэчскім лясніцтве Слуцкага лясгаса. Памёр 5 снежня 1981 года.

Узнагароджаны ордэнамі Славы 1-й, 2-й і 3-й ступені, медалямі^[1].

Адна з вуліц у вёсцы Дарасіно названа імем Міхаіла Рагоўскага^[1].

• Рагоўскі Мікалай Канстанцінавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 202. — 10 000 экз. — ISBN 985-11-0035-8. — ISBN 985-11-0216-4 (т. 13).
• Беляев И. Н., Сысоев А. Н. Хроника солдатской славы. — Минск, 1970. (руск.)
• Долготович Б. Д. Кавалеры ордена Славы. — Минск, 2006/ (руск.)
• Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.
• Навечно в сердце народном. 3-е изд., доп. и испр. — Минск, 1984. (руск.)

Михаил Константинович Роговский на сайце «Героі краіны»