Міхаіл Паўлавіч Паруснікаў

Міхаіл Паўлавіч Паруснікаў
Дата нараджэння	12 лістапада 1893(1893-11-12)
Месца нараджэння	Масква, Маскоўская губерня, Расійская імперыя
Дата смерці	2 лютага 1968(1968-02-02) (74 гады)
Месца смерці	Масква, РСФСР, СССР
Месца пахавання	Новадзявочыя могілкі
Грамадзянства	Расійская імперыя  СССР
Альма-матар	Маскоўскае вучылішча жывапісу, скульптуры і дойлідства (1918) Вышэйшыя мастацка-тэхнічныя майстэрні (1924)
Працы і дасягненні
Месца працы	Маскоўскі архітэктурны інстытут
Член у	Саюз архітэктараў СССР
Працаваў у гарадах	Астрахань, Масква, Сталінград, Мінск, Яраслаўль
Архітэктурны стыль	Неакласіцызм
Прэміі
Узнагароды
Медыяфайлы на Вікісховішчы

Міхаі́л Па́ўлавіч Па́руснікаў (12 лістапада 1893, Масква — 2 лютага 1968, Масква) — рускі і беларускі савецкі архітэктар, правадзейны член Акадэміі архітэктуры СССР (1950), акадэмік АН БССР (1950; член-карэспандэнт з 1947). Педагог, прафесар (з 1948). Лаўрэат Дзяржаўнай прэміі Беларускай ССР (1968)

У 1913—1918 гадах навучаўся ў Маскоўскім вучылішчы жывапісу, разьбярства і дойлідства, затым да 1924 года ў Вышэйшых мастацка-тэхнічных майстэрняў. Вучань С. В. Наакоўскага і І. В. Жалтоўскага.

З 1924 года працаваў у архітэктурна-праектных арганізацыях Масквы. У 1934—1941 гадах адначасова выкладаў у Маскоўскім архітэктурным інстытуце.

У 1941—1944 гадах — старэйшы навуковы супрацоўнік Акадэміі архітэктуры СССР, у 1944—1948 — кіраўнік архітэктурна-праектных майстэрняў Камітэта па справах архітэктуры СССР. З 1948 года прафесар Маскоўскга архітэктурнага інстытута.

Распрацаваў праекты жылых і грамадскіх будынкаў для шмат якіх гарадоў СССР, асноўныя прынцыпы і прыёмы планіроўкі і забудовы сельскіх населеных пунктаў новага тыпу.

Член Саюза архітэктараў СССР з 1936 года.

Апублікаваў шэраг навуковых прац па тэорыі і гісторыі архітэктуры, у тым ліку: «Аб прынцыпах комплекснага серыйнага праектавання жылых дамоў» (Архітэктура СССР. 1953. № 12) і «Аб досведзе праектавання серыі тыпавых дамоў сярэдняй паверхавасці» (Архітэктура СССР. 1955. № 2).

Будынкі электрастанцый у Нагінску Маскоўскай вобласці (1926) і Кіеве (1929)

• Аўтар праекта планіроўкі і забудовы Астрахані (1930).

• Павільён машынабудавання і аўдыторыя на Усерасійскай сельскагаспадарчай і саматужна-прамысловай выстаўцы (1923)
• Шэраг жылых дамоў на праспекце Міру (1936).

• Будынак з аркай на Чырвонай плошчы Яраслаўля (1936).

Адзін з аўтараў забудовы Мінска пасля Вялікай Айчыннай вайны.

• Ансамбль Ленінскага праспекта (1945—1954, у сааўтарстве; пракладзены і забудаваны ў 2-й палове 1940—1960-х гадоў; Дзяржаўная прэмія БССР 1968);
• Адміністрацыйны будынак (1945—1947);
• Дзяржбанк БССР (1950);
• Удзельнічаў у распрацоўцы праекта планіроўкі і забудовы цэнтра і першай чаргі Ленінскага праспекта (цяпер праспект Незалежнасці);
• Праект планіроўкі і забудовы цэнтра і Цэнтральнай плошчы (цяпер Кастрычніцкая плошча; 1946—1954, у суаўтарстве);
• Жылыя дамы і мост праз р. Свіслач (усе 1946—1954, у суаўтарстве);
• Спартыўны комплекс «Дынама» (усё ў 1946—1954, у суаўтарстве).

• Ордэн Леніна;
• Ордэн Працоўнага Чырвонага Сцяга;
• медалі;
• Дзяржаўная прэмія БССР.

• Імя архітэктара, аднаго са стваральнікаў пасляваеннай планіроўкі Мінска Міхаіла Паруснікава ў 2025 годзе нададзена адной з вуліц у Мінску (бел.: вуліца Міхаі́ла Па́руснікава; руск.: улица Михаи́ла Па́русникова)^[1].

• Паруснікаў Міхаіл Паўлавіч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Парусников Михаил Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
• Весці АН БССР. Серыя фізіка-тэхнічных навук. 1968. № 3. (бел.)
• Окуневская Т. К. «Татьянин День» (воспоминания), Москва, Вагриус, 2005, стр. 173.

• На Вікісховішчы ёсць медыяфайлы па тэме Міхаіл Паўлавіч Паруснікаў
• Міхаіл Паўлавіч Паруснікаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)