Нацыянальная галерэя (Прага)

Нацыянальная галерэя ў Празе
Лагатып
Заснаваны	1949
Адкрыты	5 лютага 1796
Месцазнаходжанне	Прага
Наведвальнікі	712 619 чал. (2016) 282 800 чал. (2020)[1]
Памеры фонду	398 528[2], 399 621[2], 2 670[2] і 3 512[2]
ngprague.cz (чэшск.)
Медыяфайлы на Вікісховішчы

Нацыянальная галерэя ў Празе (чэшск.: Národní galerie v Praze) — дзяржаўная арганізацыя, у распараджэнні якой знаходзяцца найбуйнейшыя калекцыі выяўленчага і прыкладнога мастацтва ў Чэхіі.

Утворана ў 1949 годзе зліццём некалькіх раней створаных галерэй. Экспазіцыі Нацыянальнай галерэі размяшчаюцца ў некалькіх гістарычных будынках і палацах у Празе і за яе межамі, найбуйнейшы з якіх — Выставачны палац (чэшск.: Veletržní Palác).

Гісторыя галерэі пачалася 5 лютага 1796 года, калі групай патрыятычна настроеных чэшскіх арыстакратаў і адукаваных інтэлектуалаў з сярэдняга класа было створана Таварыства патрыятычных сяброў мастацтва для асветы і прылучэння да мастацтва насельніцтва. Таварыства заснавала дзве арганізацыі — Акадэмію мастацтваў і Галерэю, адкрытую для наведванняў гараджан. Менавіта яна стала папярэдніцай сучаснай Нацыянальнай галерэі.

У 1902 годзе Таварыства арганізавала Галерэю сучаснага мастацтва Чэшскага каралеўства, у якую ўвайшла калекцыя, падораная імператарам Францам Іосіфам I.

У 1918 годзе калекцыя Таварыства стала галоўным мастацкім зборам Чэхаславакіі.

У 1942 годзе да Галерэі, якая звалася тады Чэшска-Мараўская земская галерэя, былі далучаны калекцыі расфармаванай Галерэі сучаснага мастацтва Чэшскага каралеўства.

Законам 1949 года была ўтворана Нацыянальная галерэя ў Празе. У збор увайшлі таксама графічныя калекцыі Нацыянальнага музея і Універсітэцкай бібліятэкі.

Калекцыя галерэі размешчана ў некалькіх будынках:

• Кляштар Св. Агнэсы Чэшскай (чэшск.: Klášter sv. Anežky České) — сярэднявечнае мастацтва Багеміі і цэнтральнай Еўропы
• Палац Кінскіх (чэшск.: Palác Kinských) — чэшскія пейзажы 17—20 стагоддзяў
• Палац Штэрнберг (чэшск.: Šternberský palác) — еўрапейскае мастацтва з часоў Антычнасці да эпохі барока
• Палац выставак (чэшск.: Veletržní Palác) — мастацтва з XIX стагоддзя да нашых дзён
• Манеж Вальдштэйн (чэшск.: Valdštejnská jízdárna) — зменныя экспазіцыі

• "Национальная галерея (в Праге)". БСЭ. 3-е издание.

	Нацыянальная галерэя (Прага) на Вікісховішчы

• Афіцыйны сайт галерэі (чэш.)
• http://www.ngprague.cz/16/detail/narodni-galerie-v-praze/ Архівавана 1 снежня 2008.
• Галерэі ў Празе Архівавана 29 верасня 2020.

1. ↑ https://tourdata.cz/wp-content/uploads/2021/05/NTC-VYSTUP-2020-REVIZE.pdf — CzechTourism, 2021.
   <a href="https://wikidata.org/wiki/Track:Q11087070"></a>
2. ↑ ^{а б в г} Otevřené sbírky — 2021. Праверана 10 красавіка 2021.
   <a href="https://wikidata.org/wiki/Track:Q106453269"></a>