«Нортэнгерскае абацтва» — гэта гісторыя юнай Кэтрын Морланд. Дзяўчына запрошаная сямействам Ален у Бат, дзе на мясцовых лячэбных водах містэр Ален лечыць сваю падагру. Кэці наіўная сямнаццацігадовая дзяўчына, яна захоплена чытаннем гатычных раманаў[en]. Падчас наведвання Галерэі, дзе публіка п’е лячэбную ваду, місіс Ален сустракае сваю старую школьную сяброўку — місіс Торп, і Кэтрын знаёміцца з яе дзецьмі: братам і сястрой Джонам і Ізабэлай. Дзяўчыны збліжаюцца на аснове любові да гатычных раманаў. Джэймс (брат Кэтрын) улюбляецца ў Ізабэлу, а Джон (брат Ізабэлы і сябар Джэймса) захапляецца Кэтрын. Аднак, Кэтрын сімпатызуе абаяльнаму і разумнаму Генры Цілні, якога ёй прадставілі на балі. Кэтрын здружваецца з Элінар (сястрой Генры) і бывае бавіць час з братам і сястрой Цілні. Ізабэла заручаецца з Джэймсам, аднак, даведаўшыся, што яе жаніх не надта забяспечаны, пачынае фліртаваць з Фрэдэрыкам Цілні (старэйшым братам Генры і Элінар). Элінар запрашае Кэтрын пагасціць у іх абацтве Нортэнгер, на што Кэці з радасцю згаджаецца. Думаючы што госця абацтва — заможная асоба, галава сямейства, генерал Тылні, вельмі абыходліва ставіцца да Кэтрын. Аднак, калі ён усведамляе сваю памылку, то з ганьбай высылае дзяўчыну з абацтва. Ужо будучы дома, Кэтрын сумуе па Генры Цілні і расчароўваецца ў гатычных раманах. Аднак гісторыя заканчваецца шчасліва, неўзабаве малады чалавек прыязджае і робіць ёй прапанову[en].
.svg){kind=small}
