Нюрнберг (карная аперацыя)

Аперацыя «Нюрнберг»
Асноўны канфлікт: Другая сусветная вайна, Вялікая Айчынная вайна
Дата	22—28.11.1942
Месца	Браслаўскі, Пастаўскі, Шаркаўшчынскі раёны
Прычына	Прысутнасць узброеных савецкіх партызанскіх падраздзяленняў у тыле групы армій «Цэнтр»
Статус	аперацыя завершана
Праціўнікі
Трэці рэйх:  СССР:
Медыяфайлы на Вікісховішчы

Аперацыя «Нюрнберг» (ням.: Unternehmen Nürnberg) — кодавая назва карнай аперацыі нямецкіх войск супраць партызанскага атрада «Спартак», часткова партызанскай брыгады «Няўлоўныя», партызанскай брыгады імя К. Я. Варашылава, спецгруп ЦК КП(б) Літвы і Латвіі і мясцовага насельніцтва ў Браслаўскім, Пастаўскім і Шаркаўшчынскім раёнах (паміж азёрамі Богінскае і Дрывяты) 22—28 лістапада 1942 года. Гэтай аперацыяй карнікі намераваліся закончыць агульны план ліквідацыіпартызанскага руху на тэрыторыі так званай генеральнай акругі «Беларусь».

Праводзілася сіламі 1-й матарызаванай брыгады СС, 14-га і 16-га паліцэйскіх і 75-га стралковых палкоў, матарызаваных узводаў жандармерыі і часцей вермахта. Ажыццяўлялася пад кіраўніцтвам начальніка паліцыі бяспекі і СД «Остланд» обергрупенфюрэра Екельна і спецупаўнаважанага рэйхсфюрара СС Гімлера па барацьбе з партызанамі обергупенфюрэра СС і генерала паліцыі Баха-Зелеўскага.

Карнікі не змаглі акружыць і знішчыць партызан, але загубілі каля 3 тысяч мясцовых жыхароў, захапілі жывёлу, разрабавалі маёмасць насельніцтва, спалілі больш за 30 вёсак.

• Лабезнікаў, В. С., Пасэ, У. С. Нюрнберг // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 385. — 680 с. — 20 000 экз. — ISBN 5-85700-012-2.