Павел Апалонавіч Туткоўскі

Павел Апалонавіч Туткоўскі
Дата нараджэння	17 лютага (1 сакавіка) 1858[1]
Месца нараджэння	Лыпавэць, Ліпавецкі павет[d], Кіеўская губерня, Расійская імперыя[1]
Дата смерці	3 чэрвеня 1930(1930-06-03)[1] (72 гады)
Месца смерці	Кіеў, УССР, СССР[1]
Месца пахавання	Лук’янаўскія могілкі[d]
Грамадзянства	Расійская імперыя  СССР
Род дзейнасці	геолаг, географ
Месца працы	Кіеўскі нацыянальны ўніверсітэт імя Тараса Шаўчэнкі Інстытут геалагічных навук НАН Украіны
Навуковая ступень	доктар геолага-мінералагічных навук
Альма-матар	фізіка-матэматычны факультэт Кіеўскага ўніверсітэта[d] Першая жытомірская гімназія[d]
Член у	Нацыянальная акадэмія навук Украіны Нацыянальная акадэмія навук Беларусі Навуковае таварыства імя Тараса Шаўчэнкі[d]
Медыяфайлы на Вікісховішчы

Павел Апалонавіч Туткоўскі (1 сакавіка 1858, г.п. Ліпавец, цяпер Вінніцкая вобласць, Украіна — 3 чэрвеня 1930) — украінскі геолаг. Акадэмік АН Украіны (1919). Акадэмік АН Беларусі (1928).

Скончыў Кіеўскі ўніверсітэт (1882). У 1884—1895 гадах хавальнік мінералагічнага і геалагічнага кабінетаў Кіеўскага ўніверсітэта, з 1914 года прафесар гэтага ўніверсітэта, з 1924 года загадчык кафедры, з 1926 года дырэктар Інстытута геалогіі АН Украіны.

Навуковыя працы па мінералогіі, петраграфіі, гідралогіі, палеанталогіі, рэгіянальнай чацвярцічнай геалогіі, геамарфалогіі. Распрацаваў мікрапалеанталагічны метад вывучэння асадкавых горных парод. Прапанаваў новую эолавую тэорыю паходжання лёсаў. Даследаваў геамарфалогію Беларускага Палесся і геалагічную будову Беларусі.

• Геологический очерк Минской губернии. Ч. 1. Киев, 1915;
• Геологические исследования на территории быв. Минской губернии. Ч. 2. Витебск, 1925.

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).

• Павел Апалонавіч Туткоўскі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)