Партрэт Міхала Сервацыя Вішнявецкага

	невядома
	Партрэт Міхала Сервацы Вішнявецкага. 1750-я
Матэрыял	алейныя фарбы і палатно
Тэхніка	алейны жывапіс
	Нацыянальны мастацкі музей Рэспублікі Беларусь, Мінск
	(інв. ЗЖ-128)

Партрэт Міхала Сервацыя Вішнявецкага, вялікалітоўскага дзяржаўнага і ваеннага дзеяча, намаляваны неведомым мастаком. Захоўваецца ў калекцыі Нацыянальнага мастацкага музея Рэспублікі Беларусь^[1].

Гісторыя

Паходзіць з калекцыі Радзівілаў у Нясвіжы (№ 201, 20; да 1941). Е. Петрус лічыў, што гэты твор належыць да групы партрэтаў Вішнявецкіх, якія захоўваліся ў нясвіжскім замку. Адлюстроўвае дзядзьку праўдападобнае ініцыятаркі серыі Уршулі Францішкі Радзівіл і адначасова швагра яе мужа Міхаіла Казіміра Рыбаньку, ваяводу віленскага і гетмана вялікага літоўскага^[2]

Захоўваўся ў Дзяржаўнай карціннай галерэі БССР да 1941 года, фондах Музея гісторыі Вялікай Айчыннай вайны (з 1948), у Дзяржаўным музеі БССР (з 1957 да 1968)^[1].

Рэстаўрыраваны ва Усесаюзнай цэнтральнай навукова-даследчай лабараторыі па кансервацыі і рэстаўрацыі музейных мастацкіх каштоўнасцей А. А. Зайцавым і І. П. Суравовым у 1968—1972 гадах у Маскве^[1].

Захоўваецца ў Нацыянальным мастацкім музеі Беларусі (Мінск)^[1].

Апісанне

На партрэце Міхал Сервацы напісаны ў чырвоным жупане, паверх якога апранута кароткая кальчуга, а зверху яе — парадны паўдаспех з пазалочанымі берагамі, залацістымі кантамі і турэцка-татарскімі наручамі (руск.) (бел. («карвашамі»)^[3]. У час ваенных дзеянняў такога ахоўнага адзення ўжо не насілі. Гэта тыпова «сармацкі» парадны партрэт (руск.) (бел., які дэманструе дзяржаўныя заслугі і значнасць асобы партрэтаванага^[3]. Аб гэтым сведчаць перакінутая цераз левае плячо Вішнявецкага цёмна-сіняя муаравая стужка і чырвоны плашч на гарнастаевым падбоі (руск.) (бел. з выявай ордэна Белага Арла як сведчанне таго, што хтосьці з яго продкаў быў каралём. На левым баку прышпілена шабля-карабела (руск.) (бел. з сярэбраным з пазалотай дзяржаннем, на ногі абуты жоўтыя саф’янавыя боты або паўботкі з сярэбранымі абцасамі^[3].

Выстаўкі

Другое нараджэнне партрэтаў з Нясвіжа і Гродна. Мінск. 1982
Партрэты з Нясвіжа і Гродна. Каўнас. Яраслаўль. 1983
Партрэты знакамітых постацяў даўняй Рэчы Паспалітай у мінскіх зборах. Кракаў. 1991
Мастацтва барока ў Беларусі. Мінск. 1991
Партрэты XVI—XVIII стст. з Нясвіжа. Мінск. 1994
Гістарычны партрэт Вялікага княства Літоўскага XVI—XVIII стст. Мінск. 2002

Зноскі

↑ ^а ^б ^в ^г Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 222-223. — 304 с. — 3 000 экз. — ISBN 985-11-0253-9.
↑ Petrus J. (руск.) (бел., Karpowicz T., Portrety osobistości dawnej Rzeczypospolitej w zbiorach Mińskich katalog wystawy. Krakow, 1991. S. 1-140
↑ ^а ^б ^в Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5

Літаратура

Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5
Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 69-70. — 304 с. — 3 000 экз. — ISBN 985-11-0253-9.

[Жывапіс_барока-1] а ^б ^в ^г Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 222-223. — 304 с. — 3 000 экз. — ISBN 985-11-0253-9.

[2] Petrus J. (руск.) (бел., Karpowicz T., Portrety osobistości dawnej Rzeczypospolitej w zbiorach Mińskich katalog wystawy. Krakow, 1991. S. 1-140

[БК-3] а ^б ^в Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5

[1]

[2]

[3]