Партрэт Януша Радзівіла (Шульц)

	Даніэль Шульц[d]
	Партрэт Януша Радзівіла. каля 1652
Матэрыял	палатно і алейныя фарбы
	Нацыянальны мастацкі музей Рэспублікі Беларусь, Мінск
	(інв. ЗЖ-144)

Партрэт Януша Радзівіла, гетмана вялікага літоўскага, намаляваны прыдворным мастаком польскіх каралей Даніэлем Шульцам (руск.) (бел.. Захоўваецца ў калекцыі Нацыянальнага мастацкага музея Рэспублікі Беларусь^[1].

Гісторыя

Паходзіць з калекцыі Радзівілаў у Нясвіжы (№ 71; да 1941). Захоўваўся ў Дзяржаўнай карціннай галерэі БССР да 1941 года, фондах Музея гісторыі Вялікай Айчыннай вайны (з 1948), у Дзяржаўным музеі БССР (з 1957 да 1968)^[1].

Рэстаўрыраваны ў 4 чвэрці XIX стагоддзя^[2], потым у Дзяржаўным Рускім музеі М. М. Маркавым і А. Б. Брындаравым у 1966—1976 (Ленінград)^[1].

Захоўваецца ў Нацыянальным мастацкім музеі Беларусі (Мінск)^[1].

Апісанне

На партрэце Януш паказаны ў доўгім аксамітным жупане карычнева-залацістага колеру, са стаячым каўняром, які зашпілены да таліі на рад шчыльна пасаджаных залатых гузікаў з устаўкамі каштоўных камянёў^[3]. Жупан падперазаны мяккім персідскім ці кітайскім поясам у тон жупану, зверху накінута на плечы ярка-чырвоная, падбітая чорным футрам дэлія, сашчэпленая пад горлам круглай залатой чапрагай, якая дапаўняецца шырокім залатым з камянямі ланцугом з фігурнай засцежкай^[3].

На нагах саф’янавыя боты жоўтага колеру з вострым наском і невялікім (на палову пяты) слоеным скураным абцасам. Галава Януша Радзівіла па шляхецкім звычаі высока падбрыта, толькі на макушцы пакінуты традыцыйны чуб. Збрытая і бародка, замест яе — доўгія вусы^[3].

Копіі

У Нацыянальным музеі ў Варшаве (інв. 1851) ёсць копія «Партрэт у лаўровым вянку^[d]» з серыі партрэтаў у лаўровым вянку, які да 1950 года захоўваўся у МГВАВ^[1].

Выстаўкі

Другое нараджэнне партрэтаў з Нясвіжа і Гродна. Мінск. 1982
Партрэты з Нясвіжа і Гродна. Каўнас. Яраслаўль. 1983
Рэстаўрацыя музейных каштоўнасцей у БССР. Мінск. 1985
Партрэты знакамітых постацяў даўняй Рэчы Паспалітай у мінскіх зборах. Кракаў. 1991
Мастацтва барока ў Беларусі. Мінск. 1991
Дзе Усход сустракаецца з Захадам. Варшава. 1993
Партрэты XVI—XVIII стст. з Нясвіжа. Мінск. 1994

Зноскі

↑ ^а ^б ^в ^г ^д Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 92-93. — 304 с. — 3 000 экз. — ISBN 985-11-0253-9.
↑ Inwentarz obrazow nieswieskich я 4 cwierci w. XIX, rkps., Нацыянальны гістарычны архіў Беларусі. Мінск.: Ф. 694. Воп. 1. інв. N 276. S. 29. K. 7 № 771
↑ ^а ^б ^в Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5

Літаратура

Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5
Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 69-70. — 304 с. — 3 000 экз. — ISBN 985-11-0253-9.

[Жывапіс_барока-1] а ^б ^в ^г ^д Высоцкая Н. Ф. Жывапіс барока Беларусі. — Беларуская энцыклапедыя імя Петруся Броўкі, 2003. — С. 92-93. — 304 с. — 3 000 экз. — ISBN 985-11-0253-9.

[2] Inwentarz obrazow nieswieskich я 4 cwierci w. XIX, rkps., Нацыянальны гістарычны архіў Беларусі. Мінск.: Ф. 694. Воп. 1. інв. N 276. S. 29. K. 7 № 771

[БК-3] а ^б ^в Бялявіна, В. М. Беларускі касцюм / В. М. Бялявіна, Л. В. Ракава. — Мінск : Беларусь, 2017. — 463 с. : іл. ISBN 978-985-01-1241-5

[1]

[2]

[3]