Партызанская брыгада імя Аляксандра Неўскага (А. Г. Байкоў)

Партызанская брыгада імя Аляксандра Неўскага
Гады існавання	1944
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Лідскае партызанскае злучэнне
Тып	партызаны
Функцыя	змаганне з акупантамі
Колькасць	391 партызан (7 ліпеня 1944)
Дыслакацыя	Юрацішкаўскі, Іўеўскі раёны
Войны	Другая сусветная вайна Вялікая Айчынная вайна
Камандзіры
Вядомыя камандзіры	А. Г. Байкоў

Партызанская брыгада імя Аляксандра Неўскага — партызанская брыгада, створаная ў красавіку 1944 года на базе атрада імя Аляксандра Неўскага, вылучанага партызанскай брыгадай «Уперад». Дзейнічала на акупіраванай тэрыторыі Юрацішкаўскага і Іўеўскага раёнаў. 7 ліпеня 1944 года брыгада (391 партызан, 3 атрады) злучылася з Чырвонай Арміяй.

• атрад імя Аляксандра Неўскага;
• атрад імя Кастуся Каліноўскага;
• атрад «Мсцівец».

• А. Г. Байкоў

• М. М. Гаўрылаў

• Ф. У. Шачанкоў

Партызаны вялі адкрытыя і засадныя баі, зрывалі перавозкі па чыгунках і шашэйных дарогах. У красавіку 1944 года правялі 16 баёў, у маі на чыгуначным участку Маладзечна — Ліда падарвалі 4 эшалоны, у «рэйкавую вайну» — больш за 1,3 тысячы рэек. Абаранялі паўночную мяжу Івянецка-Налібоцкай партызанскай зоны, вялі баі з карнікамі. 5 ліпеня 1944 года разграмілі нямецкі апорны пункт у вёсцы Бяжэмцы Юрацішкаўскага раёна.

• У 1965 годзе ў Лідзе ў гонар брыгады была пастаўлена стэла.
• У 1969 годзе ў вёсцы Бакшты Іўеўскага раёна быў пастаўлены абеліск.

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.