Пленум Цэнтральнага камітэта КПБ

Пле́нум Цэнтра́льнага камітэ́та Камуністы́чнай па́ртыі Белару́сі — пасяджэнне абраных з'ездам КПБ членаў і кандыдатаў у члены ЦК КПБ; орган калектыўнага кіраўніцтва.

Згодна са Статутам КПСС склікаўся не радзей за адзін раз у чатыры месяцы. Выбіраў Бюро і сакратароў ЦК, зацвярджаў старшыню Партыйнай камісіі, загадчыкаў аддзеламі ЦК, рэдактараў партыйных газет і часопісаў.

Паміж з'ездамі партыі пленумы разглядалі і вырашалі важныя партыйныя, дзяржаўныя і гаспадарчыя пытанні, накіраваныя на выкананне рашэнняў з'ездаў КПСС і КПБ, ажыццяўленне планаў камуністычнага будаўніцтва.

• Пленум ЦК КПБ // Белорусская ССР:Краткая Энциклопедия — Мн.: «Белорусская советская энциклопедия» имени Петруся Бровки, 1979. — Т. 1. — 768 с.