Плеўрозій

Плеўрозій
Навуковая класіфікацыя
прамежныя рангі Дамен:  Эўкарыёты Царства:  Расліны Нададдзел:  Мохападобныя Аддзел:  Імхі Клас:  Лістасцябловыя імхі Падклас:  Брыевыя імхі Надпарадак:  Hypnanae Парадак:  Гіпнавыя імхі Сямейства:  Hylocomiaceae Род:  Плеўрозій
Міжнародная навуковая назва
Pleurozium Mitt., 1869, nom. cons.
Адзіны від
Pleurozium schreberi (Willd. ex Brid.) Mitt., 1869, typ. cons. — Плеўрозій Шрэбера
Сістэматыка на Віківідах Выявы на Вікісховішчы ITIS   16373 NCBI   34163 EOL   883349 IPNI   ??? TPL   tro-35124816

Плеўрозій (Pleurozium) — род гіпнавых імхоў, уключае 1 від — плеўрозій Шрэбера (Pleurozium schreberi).

Двухдомная лістасцябловая расліна. Дзярнінкі рыхлыя, зялёныя або жоўта-зялёныя, бліскучыя.

Сцябло ўзыходнае, даўжынёй 10-15 см, з ляжачай асновай, карычнева-чырвонае, акругла-аблісцелае. Лісце чарапічнае, увагнутае, злёгку складкаватае, прадаўгавата- або шырокаяйцападобнае, на верхавінцы тупое, закругленае або кароткаадагнутае слабазубчастае. Жылка кароткая, падвойная ці непрыкметная.

Каробачка схіленая, падоўжана-яйцападобная, на чырвонай ножцы. Перыстом двайны. Каўпачок клабукападобны. Вечка конусападобнае, тупое.

Пашыраны ў Галарктыцы, радзей у гарах Паўднёвай Амерыкі. Тыповы кампанент брыяфлоры хвойных лясоў, часта ўтварае амаль суцэльнае покрыва. На Беларусі трапляецца на сухой лясной глебе, у хмызняках, на сухіх лугах, мохавых балотах. Спараносіць восенню.

Стварае спрыяльныя ўмовы для развіцця шапкавых грыбоў. Служыць сховішчам для дробных жывёл.

У артыкуле або раздзеле ёсць спіс крыніц або спасылак, але крыніцы асобных сцвярждэнняў няясныя праз неўжыванне зносак. Сцвярджэнні, не падмацаваныя крыніцамі, могуць быць пастаўлены пад сумненне і выдалены. Вы можаце палепшыць артыкул, дадаўшы дакладнейшыя спасылкі на крыніцы.

• Плеўрозій // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.