Помнік дзецям — ахвярам Вялікай Айчыннай вайны

Помнік
Помнік дзецям — ахвярам Вялікай Айчыннай вайны
52°57′47″ пн. ш. 29°46′34″ у. д.HGЯO
Краіна	Беларусь
Месцазнаходжанне	Красны Бераг
Скульптар	Аляксандр Міхайлавіч Фінскі, Святлана Каткова[d] і Максім Міхайлавіч Пятруль
Архітэктар	Леанід Мендэлевіч Левін, Галіна Леанідаўна Левіна і Аляксандр Капылоў[d]
Медыяфайлы на Вікісховішчы

Помнік дзецям — ахвярам Вялікай Айчыннай вайны — помнік у вёсцы Красны Бераг Жлобінскага раёна Беларусі.

Цэнтрам манументальнай кампазіцыі з’яўляецца «Плошча Сонца», ад якой па ўсім яблыневым садзе разыходзяцца алеі ў выглядзе прамянёў. Адна з алей — «Прамень Памяці» чорнага колеру — з’яўляецца галоўным уваходам у мемарыял і праходзіць праз «Мёртвы клас», які ўяўляе сабой 21 беласнежную школьную парту, настаўніцкі стол і класную дошку. Перад уваходам у клас стаіць бронзавая фігурка схуднелай дзяўчынкі-падлетка. На чорнай дошцы напісаны ліст дзіцяці — перадсмяротны ліст-запавет да бацькі ад 15-гадовай Каці Сусанінай. Яго знайшлі, калі разбіралі цагляны мур разбуранай печы ў адным з дамоў у вызваленым раённым цэнтры Лёзна Віцебскай вобласці. Сама дзяўчынка загінула ў фашысцкім рабстве 12 сакавіка 1943 года — у дзень свайго пятнаццацігоддзя. На тыльным боку класнай дошкі намаляваная карта Беларусі, дзе адзначаны яшчэ 16 канцэнтрацыйных лагераў (донарскіх), у якіх утрымліваліся дзеці^[1].

Далей, за школьнай дошкай, знаходзіцца частка мемарыяла, названая «Плошча Сонца», дзе размешчаны белы паруснік, які сімвалізуе мары дзяцей, якім не наканавана было спраўдзіцца. За паруснікам размешчаны 24 белых стэлы, у якіх умантаваныя дзіцячыя малюнкі ў выглядзе вітражоў. Самі малюнкі былі выкананы ў 1946 годзе дзецьмі мінскага Палаца піянераў.

• Жлобінскі гісторыка-краязнаўчы музей.

• Красны Бераг. Некранутая рэчаіснасць. Кніга першая./Аляксандр Пабалавец; — Барк, 2016. — 204 с.: іл. — ISBN 978-985-7065-56-1.
• Красны Бераг. Людзі, іх лёсы і справы. Кніга другая./Аляксандр Пабалавец; артыкулы Л.Рэйдэр, А. Хлапкова і М. Шуканава. — Барк, 2017. — 192 с.: іл. — ISBN 978-985-7065-72-1.
• Красны Бераг. Шануй бацькоў сваіх. Кніга трэцяя /Аляксандр Пабалавец; — ПАМвыдат, 2019. — 108 с.: іл.

• Мемарыяльны комплекс і музей «Дзецям — ахвярам вайны».
• Всем детям — жертвам войны — посвящен мемориал в Красном Береге
• Мемориал «Памятник детям-жертвам Великой Отечественной войны» в деревне Красный Берег