Пракоп Дзянісавіч Малаковіч

Пракоп Дзянісавіч Малаковіч
1-ы Старшыня Вярхоўнага суда ССРБ 1923 — 1923
Кіраўнік урада	Аляксандр Чарвякоў
Папярэднік	пасада заснаваная
Пераемнік	Аляксандр Сташэўскі
2-і Наркам унутраных спраў БССР 1922 — 1923
Кіраўнік урада	Аляксандр Чарвякоў
Папярэднік	Станіслаў Мертэнс
Пераемнік	Дзмітрый Чарнушэвіч
Нараджэнне	20 ліпеня 1895(1895-07-20) Зубарэвічы, Бабруйскі павет, Мінская губерня, Расійская імперыя
Смерць	26 верасня 1937(1937-09-26) (42 гады) Масква, РСФСР, СССР
Месца пахавання	Данскія могілкі[d]

Прако́п Дзяні́савіч Малако́віч (8 (20) ліпеня 1895, в. Зубарэвічы Бабруйскага павета, цяпер Глускі раён Магілёўскай вобласці — 26 верасня 1937, Масква^[1]) — дзяржаўны дзеяч БССР.

Удзельнік Першай сусветнай вайны. У 1917 годзе старшыня палкавога камітэта. Адзін з арганізатараў разгрому бунту корпуса Ю. Доўбар-Мусніцкага ў Бабруйскім павеце і барацьбы з нямецкімі акупантамі.

У 1919—1920 года ваенны камісар Бабруйскага, Дарагабужскага паветаў, ваенны камісар сувязі Заходняга фронту. З 1920 года старшыня Бабруйскага павятовага выканаўчага камітэта. З 1922 года народны камісар унутраных спраў БССР. У 1923 годзе абраны першым старшынёй Вярхоўнага суда БССР.

З 1923 года старшыня Амурскага губернскага рэвалюцыйнага камітэта і выканкама.

З 1928 года сакратар Гомельскага акруговага камітэта КП(б)Б.

З 1931 года ў Народным камісарыяце сувязі СССР, начальнік Упраўлення падрыхтоўкі кадраў^[2].

Арыштаваны 19 красавіка 1937 года ў Маскве па адрасе: вул. Серафімовіча, д. 2, кв. 48^[2], 26 верасня асуджаны Ваеннай калегіяй Вярхоўнага суда СССР за «ўдзел у антысавецкай тэрарыстычнай арганізацыі правых», «шкодніцкую работу ў сістэме наркамата сувязі» і за «падрыхтоўку тэрарыстычных актаў, накіраваных супраць кіраўнікоў ВКП(б) і Савецкага ўрада» і ў той жа дзень расстраляны^[2]. 25 мая 1957 года рэабілітаваны^[2].

Член ЦВК БССР у 1920—1923 і 1927—1931 гадах, кандыдат у члены яго Прэзідыума ў 1927—1929 гадах. Член ЦБ КП(б)Б у 1922—1923 гадах. Член ЦК КП(б)Б у 1927—1930 гадах. Кандыдат у члены Бюро ЦК КП(б)Б у 1928 годзе і член Бюро ЦК КП(б)Б 1929—1930 гадах.

• Малаковіч Пракоп Дзянісавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 8. — 10 000 экз. — ISBN 985-11-0035-8. — ISBN 985-11-0169-9 (т. 10).
• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 3. Кніга 2 / Укладальнік Л. У. Маракоў. — Мн., 2005.

• МОЛОКОВИЧ Прокоп Денисович. Старонка на сайце Вярхоўнага Суда Рэспублікі Беларусь. Архівавана 18 лістапада 2019.