Прэзідэнт Зімбабвэ

Прэзідэнт Зімбабвэ
Пасаду займае Эмерсан Мнангагва з 24 лістапада 2017
Узначальвае	Зімбабвэ
Тэрмін паўнамоцтваў	5 гадоў
Пасада з’явілася	18 красавіка 1980
Першы на пасадзе	Канаан Банана
opc.gov.zw theopc.gov.zw

Прэзідэнт Зімбабвэ (шона: Mutungamiri weZimbabwe, англ.: President of Zimbabwe) — кіраўнік дзяржавы ў Рэспубліцы Зімбабвэ.

Першым прэзідэнтам пасля здабыцця незалежнасці стаў у красавіку 1980 года Канаан Банана, абраны парламентам краіны. У 1987 годзе прэм’ер-міністр Роберт Мугабэ дамогся ўнясення зменаў у канстытуцыю, па якіх раней намінальная пасада прэзідэнта стала валодаць поўнай выканаўчай уладай, а пасада прэм’ер-міністра была скасавана, пры гэтым сам Мугабэ стаў прэзідэнтам краіны. З 31 снежня 1987 года па 11 лютага 2009 года прэзідэнт быў таксама кіраўніком урада. Пасля палітычных перамоваў у 2008 і 2009 гадах пасада прэм’ер-міністра была адноўлена і існавала да ўнясення ў 2013 годзе змянаў у Канстытуцыю краіны. У лістападзе 2017 года нязменны лідар краіны Мугабэ быў адхілены ад пасады ваеннымі. Новым прэзідэнтам стаў Эмерсан Мнангагва, для гэтага адноўлены парламентам на пасадзе першага віцэ-прэзідэнта.

Прэзідэнт Зімбабвэ абіраецца тэрмінам на 5 гадоў.

Палітычныя партыі

•      Зімбабвійскі афрыканскі нацыянальны саюз (ЗАНС)
•      Зімбабвійскі афрыканскі нацыянальны саюз — Патрыятычны фронт (ЗАНС-ПФ)

№	Прэзідэнт		Пачатак паўнамоцтваў	Канец паўнамоцтваў	Партыя	Выбары
1		Канаан Садзінда Банана (1936—2003) шона: Canaan Sodindo Banana	18 красавіка 1980	31 снежня 1987	ЗАНС	1980[1] 1986[2]
2		Роберт Габрыэль Мугабэ (1924—2019) шона: Robert Gabriel Mugabe	31 снежня 1987	21 лістапада 2017[3]	ЗАНС-ПФ[4]	1990 1996 2002 2008 2013
3		Эмерсан Дамбудза Мнангагва (1942—) шона: Emmerson Dambudzo Mnangagwa	24 лістапада 2017[5]	дзеючы	ЗАНС-ПФ	2018

Пасля адстаўкі 21 лістапада 2017 года Роберта Габрыэля Мугабэ з пасады прэзідэнта, ва ўмовах адхілення 6 лістапада 2017 года ад пасады першага віцэ-прэзідэнта Эмерсана Дамбудзо Мнангагвы, прэзідэнтам краіны дэ-юрэ паводле Канстытуцыі стаў другі віцэ-прэзідэнт Рэпорт Фелекезела Мфока, аднак гэты палітык быў выключаны з кіруючай партыі Зімбабвійскі афрыканскі нацыянальны саюз — Патрыятычны фронт і бег за мяжу. Юрыдычная праблема была вырашана парламентам краіны, які аднавіў паўнамоцтвы Эмерсана Мнангагвы у якасці першага віцэ-прэзідэнта, пасля чаго ён заступіў на пасаду прэзідэнта 24 лістапада 2017 года.

• Спіс кіраўнікоў Зімбабвэ на rulers.org (англ.)
• Спіс кіраўнікоў Зімбабвэ на worldstatesmen.org (англ.)
• Выбары ў Зімбабвэ на africanelections.tripod.com (англ.)