Прэмія «Неб’юла»

Прэмія «Неб’юла»
Прэмія «Неб’юла»
Тып	група ўзнагарод[d]
Заснавальнік	Асацыяцыя аўтараў навуковай фантастыкі і фэнтэзі[d]
Заснаванне	1966
Краіна	ЗША;
Сайт	nebulas.sfwa.org (англ.)
	Медыяфайлы на Вікісховішчы

Прэмія «Неб’юла» (англ.: Nebula Awards) — амерыканская ўзнагарода, якую штогод прысуджае Асацыяцыя аўтараў навуковай фантастыкі і фэнтэзі творам у жанры навуковай фантастыкі і фэнтэзі. Прэмія была заснавана ў 1966.

«Неб’юла» нараўне з прэміяй Х’юга лічыцца адной з галоўных узнагарод для твораў навуковай фантастыкі і фэнтэзі, апублікаваных на англійскай мове^[1].

Патрабаванні

У намінанты можа патрапіць літаратурны твор, які адпавядае наступным крытэрыям^[2]:

Твор павінен быць навукова-фантастычным або фэнтэзійным.
Твор павінен быць выдадзены на англійскай мове або перакладзеныя на яе.
Твор павінен быць выдадзены ў ЗША. Творы з іншых краін прымаюцца, калі яны апублікаваны на вэб-сайце або ў электронным выданні.
Твор павінен быць апублікаваны на працягу папярэдняга каляндарнага года.

Асаблівасці

Прэмія «Неб’юла» мае чатыры катэгорыі для літаратурных твораў: раман, аповесць, кароткая аповесць і апавяданне. Пятую катэгорыю за найлепшы сцэнарый для фільмаў і тэлесерыялаў уручалі з 1974 па 1978, а таксама з 2000 па 2009. Шостая намінацыя для аўтараў гульняў з’явілася ў 2018.

Прэмія Андрэ Нортана і прэмія Рэя Брэдберы сталі часткай прэміі «Неб’юла» ў 2019.

Лаўрэаты «Неб’юлы» не атрымліваюць грашовую ўзнагароду.

Намінацыі

Намінацыя па-беларуску	Арыгінальная назва намінацыі	Уручаецца з	Апісанне
Найлепшы раман	Best Novel	1966	Творы аб’ёмам 40 000 слоў і больш
Найлепшая аповесць	Best Novella	1966	Творы аб’ёмам ад 17 500 да 40 000 слоў
Найлепшая кароткая аповесць	Best Novelette	1966	Творы аб’ёмам ад 7 500 да 17 500 слоў
Найлепшае апавяданне	Best Short Story	1966	Творы аб’ёмам менш за 7 500 слоў
Найлепшы сцэнарый	Best Script	1974-1978, 2000—2009	Сцэнарыі фільмаў і тэлевізійных серыялаў
Прэмія Андрэ Нортана	Andre Norton Award	2006 (прызнана афіцыйнай катэгорыяй у 2020)	Творы для падлеткавай і юнацкай аўдыторыі
Прэмія Рэя Брэдберы	Ray Bradbury Award	2010 (прызнана афіцыйнай катэгорыяй у 2020)	Драматычныя пастаноўкі
Найлепшы сцэнарый для гульні	Best Game Writing	2018	Сцэнарныі для відэа- і настольных гульнях

Успрыманне

«Неб’юла» была названа адной з самых важных навукова-фантастычных прэмій ЗША, а таксама эквівалентам прэміі Эмі для твораў навуковай фантастыкі і фэнтэзі^[3].

Гл. таксама

Крыніцы

↑ Flood, Alison. Ursula K Le Guin wins sixth Nebula award (англ.) (нявызн.) ?. The Guardian (28 красавіка 2009). Праверана 8 чэрвеня 2025.
↑ Geek Trivia: Science-fiction double feature | TechRepublic (англ.). Праверана 8 чэрвеня 2025.

[1] Flood, Alison. Ursula K Le Guin wins sixth Nebula award (англ.) (нявызн.) ?. The Guardian (28 красавіка 2009). Праверана 8 чэрвеня 2025.

[2] Fictions, © 2025 Science. Nebula Rules (англ.) (нявызн.) ?. The Nebula Awards®. Праверана 8 чэрвеня 2025.

[3] Geek Trivia: Science-fiction double feature | TechRepublic (англ.). Праверана 8 чэрвеня 2025.

[1]

[2]

[3]