Пётр Дзмітрыевіч Пакаржэўскі

Пётр Дзмітрыевіч Пакаржэўскі
Пётр Дзмітрыевіч Пакаржэўскі
Дата нараджэння	29 студзеня 1889
Месца нараджэння	Елісаветград, Елісаветградскі павет[d], Херсонская губерня, Расійская імперыя;
Дата смерці	1968
Месца смерці	Масква, РСФСР, СССР;
Месца пахавання	Увядзенскія могілкі[d];
Грамадзянства	Расійская імперыя; СССР
Род дзейнасці	мастак
Месца працы	Маскоўскае дзяржаўнае акадэмічнае мастацкае вучылішча памяці 1905 года;
Жанр	партрэт, жанравая і батальная карціна, пейзаж
Вучоба	Вышэйшае мастацкае вучылішча пры Імператарскай Акадэміі мастацтваў[d] (1916);
Мастацкі кірунак	рэалізм
Уплыў	Ян Францавіч Цянглінскі[d], Мікалай Сямёнавіч Самокіш і Гуга Раманавіч Залеман[d]
Уплыў на	Q111961456?
Член у	Саюз мастакоў СССР; Асацыяцыя мастакоў рэвалюцыйнай Расіі[d];

Пётр Дзмітрыевіч Пакаржэўскі (руск.: Пётр Дмитриевич Покаржевский; 1889, Елісаветград, Херсонская губерня — 1968, Масква, СССР) — рускі і савецкі жывапісец, графік, педагог, член МАСМ РСФСР, прафесар МДМІ імя В. Сурыкава.

Біяграфія

Пётр Дзмітрыевіч Пакаржэўскі нарадзіўся ў 1889 годзе ў Елісаветградзе, Херсонская губерня. Там жа вучыўся на вячэрніх курсах малявання ў Ф. Казачынскага, затым у 1906—1909 гадах у Кіеўскай мастацкай школе.

У 1909—1916 гадах Пётр Пакаржэўскі вучыўся ў Пецярбургу ў Вышэйшым мастацкім вучылішчы пры Імператарскай Акадэміі мастацтваў у Я. Цянглінскага, Г. Залемана, М. Самокіша.

Пётр Пакаржэўскі быў членам аб’яднанняў «Быццё» (1922), АМРР (1923). У 1920—1922 гадах жыў і працаваў у Туле, дзе ім былі арганізаваны Дзяржаўныя мастацкія майстэрні і Тульскі мастацкі музей, у якіх ён працаваў і выкладаў. У 1922 годзе пераехаў у Маскву, дзе працаваў для выдавецтва «Маладая гвардыя».

У 1930-х гадах выкладаў у Маскоўскім мастацка-педагагічным вучылішчы «Памяці 1905 года». Сярод яго вучняў народны мастак СССР, Герой Сацыялістычнай Працы Таір Салахаў, Народны мастак Расіі Мікалай Сысоеў.

Вядучым жанрам у творчасці Пятра Пакаржэўскага была тэматычна карціна з развітай сюжэтнай асновай на тэмы сучаснасці, выкананая ў традыцыйнай рэалістычнай манеры. У 1928 годзе мастак здзейсніў падарожжа па Сярэдняй Азіі, уражанні ад якога паслужылі матэрыялам для шматлікіх эцюдаў і карцін з выявай нацыянальнага побыту гэтых рэгіёнаў.

Сярод асноўных твораў мастака карціны «Чырвоны дазор» (1923), «Дэсант» (1928), «Металургічны завод у Данбасе», «К. Варашылаў у лётчыкаў» (абедзве 1932), «Камсамолка Горбань» (1935), «Камсамольцы Данбаса ідуць на фронт» (1936), «Перад атакай» (1947), «Раніца ў табуне» (1954), «Пад Звянігарадам» (1958), «Стары чабан-казах» (1962) і іншыя^[1]. З 1937 года Пётр Пакаржэўскі прафесар МДМІ імя В. Сурыкава. Творы мастака знаходзяцца ў ДТГ, ДРМ, у Цэнтральным музеі Савецкай Арміі, у музеях Тулы, Кіева, Екацярынбурга, Ніжняга Ноўгарада, Астрахані, Іркуцка і іншых гарадоў.

Пётр Дзмітрыевіч Пакаржэўскі памёр у 1968 годзе ў Маскве. Пахаваны на Увядзенскіх могілках (25 уч.).

Крыніцы

↑ Горин И. Пётр Покаржевский // Искусство. 1966, № 8. С.27-31.

Літаратура

Каталог шестой выставки Союза московских художников (МОСХ). — М.-Л., Искусство, 1939.
Горин И. Пётр Покаржевский // Искусство. 1966, № 8. С.27-31.
Выставки советского изобразительного искусства. Справочник. Том 5. 1954—1958 годы. — М: Советский художник, 1981.