Пётр Фаміч Ракіцкі

Пётр Фаміч Ракіцкі
Дата нараджэння	15 жніўня 1903(1903-08-15)[1]
Месца нараджэння	Мазырскі раён, Беларусь
Дата смерці	21 кастрычніка 1977(1977-10-21)[1] (74 гады)
Месца смерці	Мінск, Беларуская ССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	біёлаг, генетык, выкладчык універсітэта
Навуковая сфера	генетыка
Месца працы	БДУ МДУ ІГІЦ НАНБ Komi Scientific Center UB RAS[d][2]
Навуковая ступень	доктар біялагічных навук
Альма-матар	Маскоўскі дзяржаўны ўніверсітэт
Узнагароды

Пётр Фаміч Ракіцкі (15 жніўня 1903, вёска Кустоўніца, Мазырскі раён, Гомельская вобласць — 21 кастрычніка 1977) — беларускі генетык. Акадэмік Акадэміі навук БССР (1967), доктар біялагічных навук (1940), прафесар (1940). Заслужаны дзеяч навукі БССР (1973).

Скончыў Маскоўскі ўніверсітэт (1927). З 1930 года старшы навуковы супрацоўнік Усесаюзнага інстытута жывёлагадоўлі, адначасова з 1932 года дацэнт кафедры генетыкі Маскоўскага дзяржаўнага ўніверсітэта. У 1938—1948 гг. загадчык кафедры, дэкан факультэта, намеснік дырэктара Маскоўскага пушна-футравага інстытута. З 1949 года старшы навуковы супрацоўнік, загадчык аддзела заалогіі жывёлагадоўлі Комі філіяла АН СССР, у 1957—1960 гадах загадчык сектара біялогіі Усесаюзнага інстытута навуковай інфармацыі. У 1960—1969 гадах загадчык кафедры заалогіі пазваночных жывёл Беларускага дзяржаўнага ўніверсітэта, адначасова з 1965 года загадчык лабараторыі тэарэтычнай генетыкі Інстытута генетыкі і цыталогіі Акадэміі навук БССР. У 1966—1977 гадах прэзідэнт Беларускага таварыства генетыкаў і селекцыянераў^[3].

Навуковыя даследаванні ў галіне генетыкі і матэматычнай біялогіі. Сфармуляваў і эксперыментальна абгрунтаваў паняцце аб поле дзеяння гена. Праводзіў даследаванні па радыяцыйнай генетыцы. Даследаваў уплыў тэмпературнага фактару і рэнтгенаўскіх прамянёў на спадчынныя ўласцівасці жывых арганізмаў. Вывучаў узаемадзеянне паміж спадчыннасцю і адборам. Распрацаваў шэраг пытанняў па колькасных прыкметах і генетычным асновам селекцыі жывёл. Работы прысвечаны таксама пытаннях гісторыі і філасофіі біялогіі. 

Дзяржаўная прэмія БССР 1974 за цыкл работ «Распрацоўка пытанняў статыстычнай генетыкі і ўкараненне матэматыка-статыстычных метадаў у біялогію», апублікаваных у 1964—1974 гг.

• Поле действия гена // Журнал экспериментальной биологии. 1929. Т.5, № 3-4.
• Практическое пособие по генетике. М., 1934.
• Основы вариационной статистики для биологов. Мн.: Изд-во Белгосуниверситета, 1961.
• Биологическая статистика. 3 изд. Мн.: Вышэйшая школа, 1973.
• Введение в статистическую генетику. 2 изд. Мн.: Вышэйшая школа, 1978.

• Ордэн «Знак Пашаны»
• Медаль «За доблесную працу ў Вялікай Айчыннай вайне 1941—1945 гг.»
• Медаль «У памяць 800-годдзя Масквы»
• Дзяржаўная прэмія БССР 1947 г.

• Ракіцкі Пётр Фаміч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 284. — 10 000 экз. — ISBN 985-11-0035-8. — ISBN 985-11-0216-4 (т. 13).
• Ракіцкі Пётр Фаміч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 621. — 800 с. — 5 000 экз. — ISBN 985-11-0026-9.

• Рокицкий Пётр Фомич Архівавана 28 студзеня 2020. (руск.) // Сайт біялагічнага факультэта БДУ
• Ученые Беларуси: Пётр Фомич Рокицкий (К 100-летию со дня рождения) (руск.) // Сайт НАН Беларусі
• Пётр Фаміч Ракіцкі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Рокицкий Пётр Фомич // Знаменитые люди Гомельщины (руск.)