П’ер-Эмерык Абамеянг

П’ер-Эмерык Абамеянг
П’ер-Эмерык Абамеянг
Агульная інфармацыя
Нарадзіўся	18 чэрвеня 1989 (35 гадоў); Лаваль[d], дэпартамент Маен, рэгіён Пеі-дэ-ла-Луар, Метраполія Францыі, Францыя;
Грамадзянства	Францыя; Габон
Рост	187 см
Вага	80 кг
Пазіцыя	нападнік
Інфармацыя пра клуб
Клуб	Марсель
Нумар	10
Маладзёжныя клубы
1995—1997	Л’Юісры
1997—1998	Ніца
1998—1999	Л’Юісры
1999—2001	Лаваль
2001—2005	Руан
2005—2007	Бастыя
2007—2008	Мілан
Клубная кар’ера
2023—	Марсель
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 ліпеня 2023. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 23 ліпеня 2023 ;
	Медыяфайлы на Вікісховішчы

П’ер-Эмерык Абамеянг (фр.: Pierre-Emerick Aubameyang; нар. 18 чэрвеня 1989, Лаваль, Францыя) — французска-габонскі футбаліст, нападнік французскага клуба «Алімпік» з Марселя і нацыянальнай зборнай Габона. Мае падвоенае французскае і габонскае грамадзянства. Бацька П’ер-Франсуа Абамеянг таксама гуляў за нацыянальную зборную Габона і правёў за яе 80 матчаў, браты Катыліна і Вілі таксама прафесійныя футбалісты, якія, як і П’ер-Эмерык, пачыналі кар’еру ў «Мілане».

Клубная кар’ера

У «Мілане» Абамеянгу гэтак і не прадаставілі шанец загуляць, лічачы за лепшае аддаваць футбаліста ў арэнду французскім клубам, хоць у 2007 годзе Абамеянг выйграў з «Міланам» юнацкі Кубак чэмпіёнаў і стаў пры гэтым найлепшым бамбардзірам турніра з сямю галамі. За тры сезоны ў арэндзе Абамеянг згуляў за «Дыжон», «Ліль» і «Манака», усяго 86 матчаў і 14 галоў, але ў «Мілане» габонскага нападніка палічылі непатрэбным і ў 2011 годзе яго прадалі «Сент-Эцьену». У «Сент-Эцьене» Абамеянг канчаткова раскрыўся як востры нападнік, з добрай хуткасцю і тэхнікай, які ўмее гуляць як па флангах, гэтак і ў цэнтры, аб чым сведчыць 41 гол і 15 галявых перадач у 97 матчах за «Сент-Эцьен» ва ўсіх турнірах. У сезоне 2012/13 «Сент-Эцьен» да апошняга змагаўся за месца ў Лізе чэмпіёнаў УЕФА, і ў выніку каманда заняла пятае месца ў 4 пунктах ад трэцяга месца. Абамеянг у гэтым сезоне стаў сапраўдным лідарам сваёй каманды, правёўшы ў чэмпіянаце Францыі сезона 2012/13 37 матчаў, у якіх забіў 19 галоў і зрабіў 8 галявых перадач. Па выніках сезона Абамеянг заняў другое месца ў спісе найлепшых бамбардзіраў французскай лігі, саступіўшы толькі Златану Ібрагімавічу, і пятае ў спісе лідараў па галявым перадачам. Шыкоўная гульня і выдатная статыстыка прыцягнулі да Абамеянга ўвагу многіх клубаў, сярод якіх «Анжы», «Ньюкасл Юнайтэд»^[3], «Напалі»^[4], «Манака»^[5] і «Баер»^[6]. Ад прапановы «Анжы» футбаліст адмовіўся, нават нягледзячы на прапанаваную зарплату ў 7 мільёнаў еўра ў год^[7]. 2 ліпеня 2013 года ўзніклі чуткі аб хутнім пераходзе Абамеянга ў дортмундскую «Барусію», аб чым потым футбаліст і паведаміў.

3 ліпеня 2013 года П’ер-Эмерык Абамеянг перайшоў у дортмундскую «Барусію» за 13 мільёнаў еўра, заключыўшы кантракт да 2018 года^[8]^[9]^[10]^[11]^[12]. Спартыўны дырэктар «Барусіі» Міхаэль Цорк застаўся задаволены трансферам:

«Мы склалі кантракт з Абамеянгам на пяць гадоў, і ён абыйшоўся нам танней, чым мы першапачаткова думалі — мы заплацім за яго 13 мільёнаў еўра. Форвард хуткі і вельмі крэатыўны ў атакавалых дзеяннях, і сапраўды ўзмоцніць „Барусію“»^[13].

Абамеянг хутка стаў адным з лідараў «Барусіі». У пекршым жа сваім матчы ў Бундэслізе ён аформіў хет-трыке у браму «Аўгсбурга». У сезоне 2015/16 усталяваў рэкорд Бундэслігі, адзначыўшыся галамі ў васьмі стартавым турах. У сезоне 2016/17 стаў найлепшым бамбардзірам Бундэслігі.

31 студзеня 2018 года лонданскі «Арсенал» абвясціў аб пераходзе Абамеянга за 64,75 млн еўра. У сезоне 2018/19 з 22 галамі стаў адным з найлепшых бамбардзіраў Прэм’ер-лігі. У 2019 годзе стаў капітанам каманды. У 2021 годзе галоўны трэнер «Арсенала» Мікель Артэта часам стаў пакідаць Абамеянга па-за складам, тлумачыўшы гэта дысцыплінарнымі прынынамі, а ў снежні 2021 года нападнік быў пазбаўлены капітанства. У студзені 2022 года Абамеянг, разарваўшы кантракт з «Арсеналам», у якасці свабоднага агента папоўніў склад «Барселоны».

У верасні 2022 года за 12 млн еўра перайшоў у лонданскі «Чэлсі»^[14]. У ліпені 2023 года падпісаў трохгадовы кантракт з марсельскім «Алімпікам».

Міжнародная кар’ера

Першапачаткова прадстаўляў моладзевую зборную Францыі, і нават правёў за яе адзін матч. У 2009 годзе вырашыў выступаць за зборную сваёй гістарычнай радзімы — за нацыянальную зборную Габона, якой ужо ў 2012 годзе на Кубку Афрыкі дапамог выйсці ў чвэрцьфінал, што стала вялізным дасягненнем для зборнай Габона, а сам Абамеянг вызначыўся яскравай гульнёй. У 2012 годзе паўдзейнічаў у лонданскай Алімпіядзе 2012 года, дзе за алімпійскую зборную Габона правёў усе тры матчы і забіў у адзін гол.

19 мая 2022 года Абамеянг афіцыйна абвясціў аб завяршэнні сваёй міжнароднай кар’еры пасля 72 матчаў і 30 забітых галоў. Аднак, праз год змяніў сваё меркаванне і вярнуўся ў зборную. Паводле слоў самога нападніка, гэта адбылося пасля сустрэчы з прэзідэнтам Габона Алі Бонгам.