Рамуальд Чаховіч

Рамуальд Чаховіч
Рамуальд Чаховіч
Дэпутат шляхты Свянцянскага павета[d]
	1844 — 1846
Нараджэнне	каля 1793
Смерць	7 (19) лютага 1883; Анталесіна[d], Шэметаўская воласць[d], Свянцянскі павет, Віленская губерня, Расійская імперыя;
Месца пахавання	Калодна;
Род	Чаховічы
Бацька	Мацей Чаховіч[d]
Маці	Юзэфа з Даўнаровічаў[d]
Дзеці	Лявон Чаховіч, Густаў Чаховіч, Эльвіра Юзэфа з Чаховічаў[d] і Цітус Чаховіч[d]
Бітвы	Паўстанне 1863—1864 гадоў;

Рамуальд Чаховіч (польск.: Romuald Czechowicz; каля 1793 — 7 (19) лютага 1883, фальварак Анталесіна, Свянцянскі павет) — дзяржаўны службовец.

Біяграфія

Паходзіў са шляхецкага роду Чаховічаў. Сын Мацея Чаховіча і Юзэфы з Даўнаровічаў. Паручнік у 1827 годзе, Дваранскі дэпутат Свянцянскага павета ў 1844—1846 гадах^[1].

Валодаў маёнткам Рачкаўшчына (Паўлінава) ў Свянцянскім павеце. За дачыненне да паўстання 1863—1864 гадоў сасланы ў Томскую губерню. Яго маёмасць на падставе ўказа ад 10.12.1865 падлягала абавязковаму продажу^[2]

Памёр 7 (19) лютага 1883 года ў фальварку Анталесіна Свянцянскага павета (цяпер Мядзельскі раён). Пахаваны 9 лютага на могілках у Калодне^[3].

Сям’я

У шлюбе з Паўлінай з Мажэйкаў. У шлюбе было чацвёра сыноў і дзве дачкі^[4]:

Андрэй-Цітус, удзельнік паўстання 1863—1864 гадоў;
Густаў, удзельнік паўстання 1863—1864 гадоў;
Лявон, удзельнік паўстання 1863—1864 гадоў;
Ксаверый, удзельнік паўстання 1863—1864 гадоў;
Эльвіра Юзэфа, у шлюбе з Вільгельмам Матэвушам Эдвардам Халецкім (1809—1872), сынам Пятра Вінцэнта Халецкага (1765—1813), камергера Аўгуста Панятоўскага^[4].
?

Партрэт

У зборы Смаленскага музея-запаведніка ў наш час захоўваюцца партрэты Рамуальда Чаховіча і яго маці Юзэфы з Даўнаровічаў, якія паходзяць, меркавана, з маёнтка Халецкіх у Цырклішках^[lt]^[4].