Родамля

Родамля
Морфаметрыя
Вышыня над узроўнем мора	166,3[1] м
Даўжыня	1,38 км
Шырыня	0,32 км
Плошча	0,42 км²
Аб’ём	0,0006 км³
Даўжыня берагавой лініі	2,95 км
Найбольшая глыбіня	3,1 м
Размяшчэнне
Краіна	Беларусь
Рэгіён	Мінская вобласць
Родамля
Родамля

Ро́дамля — возера ў Крупскім раёне Мінскай вобласці Беларусі ў басейне ракі Лукомка, за 33 км у напрамку на поўнач ад горада Крупкі, прыкладна за 1,2 км на ўсход ад вёскі Хальнявічы.

Плошча паверхні возера 0,42 км². Даўжыня 1,38 км, найбольшая шырыня 0,32 км, даўжыня берагавой лініі 2,95 км.
Катлавіна возера моцна выцягнутая ў напрамку з паўночнага ўсходу на паўднёвы захад. Схілы катлавіны маюць вышыню да 4 м. Вакол возера забалочаная пойма шырынёй да 80 м. Берагі нізкія, пясчаныя. Дно возера выслана сапрапелем. У возера ўпадаюць ручаі, у тым ліку ў паўночна-ўсходняй частцы каналізаваны ручай з возера Чарэйскага. У паўднёва-заходняй частцы з Радомлі выцякае ручай у раку Югна.

У возеры водзяцца шчупак звычайны, акунь, плотка, язь, лінь і іншыя віды рыб.

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 394. — 10 000 экз. — ISBN 985-11-0035-8. — ISBN 985-11-0216-4 (т. 13).
• Республика Беларусь. Атлас охотника и рыболова: Минская область / Редактор Г. Г. Науменко. — Мн.: РУП «Белкартография», 2009. — С. 15. — 60 с. — 20 000 экз. — ISBN 978-985-508-174-7. (руск.)

• Валерий Иванов-Смоленский Все озёра Беларуси. Т. 4. (руск.)