Рыгор Канстанцінавіч Ігнаценка

Рыгор Канстанцінавіч Ігнаценка (нар. 20 лістапада 1930, Вусаўка, Касцюковіцкі раён, Магілёўская вобласць — 2025^{[крыніца?]}) — беларускі пісьменнік.

Выхоўваўся ў дзіцячым доме. У 1946—1948 гадах вучыўся ў рамесным вучылішчы № 10 горада Магілёва, потым, у 1948—1951 гадах працаваў слесарам. Вучыўся завочна ў Мінску на рэспубліканскіх курсах кіраўнікоў мастацкай самадзейнасці раённых дамоў культуры. У 1957—1988 гадах працаваў настаўнікам музыкі ў Паплаўскай сярэдняй школе. У 1980 годзе завочна закончыў Народны ўніверсітэт мастацтваў у Маскве.

Дэбютаваў у друку ў 1961 годзе. У 1964 годзе ў выдавецтве «Беларусь» выйшаў першы зборнік апавяданняў «Лясныя тынкоўшчыкі». Галоўная тэма творчасці пісьменніка — чалавек і прырода. Яго творы прысвечаны дзецям, напісаны лаканічна, паэтычна і займальна.

• Ігнаценка Рыгор Канстанцінавіч / Беларускія пісьменнікі: біябібліягр. слоўнік: у 6 т. т. 6. — Мн., 1995. — С. 604.
• Ігнаце́нка Рыгор Канстанцінавіч // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 163. — 10 000 экз. — ISBN 985-11-0035-8. — ISBN 985-11-0130-3 (т. 7).