Рыгор Саламонавіч Гарфункін

Рыгор Саламонавіч Гарфункін
Рыгор Саламонавіч Гарфункін
	Рыгор Саламонавіч Гарфункель
Дата нараджэння	6 жніўня 1920
Месца нараджэння	Янавічы, Янавіцкая воласць[d], Віцебскі павет, Віцебская губерня, РСФСР;
Дата смерці	22 верасня 1943 (23 гады)
Месца смерці	Дняпро, Пэрэяслаў-Хмэльныцкі раён;
Грамадзянства	СССР;
Прыналежнасць	СССР
Род войскаў	Рабоча-Сялянская Чырвоная Армія
Званне	чырвонаармеец
Бітвы/войны	Вялікая Айчынная вайна;
Узнагароды і званні	;

Рыгор Саламонавіч Гарфункін (сапр. прозвішча Гарфункель; 6 жніўня 1920, г. п. Янавічы — 22 верасня 1943) — разведчык, Герой Савецкага Саюза^[1].

Біяграфія

Сапраўднае прозвішча Гарфункель. Нарадзіўся 6 жніўня 1920 года ў мястэчку Янавічы Віцебскага павета Віцебскай губерні, цяпер гарадскі пасёлак Янавічы Віцебскага раёна Віцебскай вобласці.

З 1936 па 1940 працаваў токарам на віцебскім іголкавым заводзе (цяпер Віцебскі прыборабудаўнічы завод).

Быў прызваны ў войска ў першыя дні вайны, удзельнічаў у абароне Ленінграда. Пасля цяжкага ранення і лячэння ў 1943 годзе трапіў на Варонежскі фронт, дзе стаў разведчыкам ўзвода 183-й танкавай брыгады^[1].

Подзвіг

22 верасня 1943 года брыгада першая падышла да Дняпра на поўдзень ад Кіева. Група разведчыкаў з шасці чалавек, у якую ўваходзіў Гарфункін, атрымала заданне пераправіцца на заходні бераг Дняпра і правесці разведку^[1]. Заданне даваў будучы маршал Савецкага Саюза К. С. Маскаленка.

Група пераправілася праз Дняпро ля в. Яшнікі Пераяслаў-Хмяльніцкага раёна, робячы разведку ўмацаванняў праціўніка і вызначыўшы яго агнявыя кропкі^[1]. Пасля таго, як група была выяўленая, па ёй адкрылі агонь. Гарфункін застаўся прыкрываць адыход таварышаў, пасля чаго стаў пераплываць Дняпро і быў забіты варожай куляй на сярэдзіне ракі^[1].

10 студзеня 1944 года Гарфункіну было пасмяротна прысвоена званне Героя Савецкага Саюза^[1]^[2].

Памяць

У Янавічах і Віцебску яго імем названы вуліцы^[1]. Ля прахадной Віцебскага прыборабудаўнічага завода ў 1979 годзе ўстаноўлена мемарыяльная дошка ў яго гонар, а на тэрыторыі завода ўсталяваны помнік.

Зноскі

↑ ^а ^б ^в ^г ^д ^е ^ё Гарфункин Григорий Соломонович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 140. — 737 с.
↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1

Літаратура

Материалы из архива Витебского приборостроительного завода.
Большая советская энциклопедия.
Подлипский А., Рогач В. Доски, берегущие память. — Витебск: «Віцебская абласная друкарня», 2006.
Витебск: Энциклопедический справочник / Гл. редактор И. П. Шамякин. — Мн.: БелСЭ им. П. Бровки, 1988. — С. 144. — 408 с. — 60 000 экз. — ISBN 5-85700-004-1.