Рыгор Самуілавіч Жалязняк

Рыгор Самуілавіч Жалязняк
Асабістыя звесткі
Дата нараджэння	верасень 1914
Месца нараджэння	Віцебск, Віцебская губерня, Расійская імперыя
Дата смерці	жнівень 1942 (27 гадоў)
Месца смерці	Мга, Мгінскі раён[d], Ленінградская вобласць, РСФСР, СССР
Грамадзянства	Беларусь
Альма-матар	Ленінградскі інстытут гісторыі, філасофіі і лінгвістыкі[d] Санкт-Пецярбургскі дзяржаўны ўніверсітэт
Прафесійная дзейнасць
Род дзейнасці	літаратуразнавец, паэт
Мова твораў	беларуская
Грамадская дзейнасць
Член у	Беларускае студэнцкае зямляцтва, Ленінград
Творы ў Вікікрыніцах
Медыяфайлы на Вікісховішчы

Рыгор Самуілавіч Жалязняк (верасень 1914, Віцебск — жнівень 1942) — беларускі паэт і крытык. Удзельнік Вялікай Айчыннай вайны.

Нарадзіўся ў верасні 1914 года ў Віцебску ў сям’і рабочага. Вучыўся ў Віцебскім фабрычна-заводскім вучылішчы чыгуначнікаў (1930—1931), працаваў у дэпо, літсупрацоўнікам у газеце «Віцебскі пралетарый» (1931—1932), займаўся ў Віцебскім кінатэхнікуме на сцэнарным аддзяленні (1932—1933). Паступіў у Ленінградскі дзяржаўны інстытут гісторыі, філасофіі, літаратуры і лінгвістыкі, а ў 1936 годзе перавёўся на філалагічны факультэт Ленінградскага дзяржаўнага ўніверсітэта. Пасля заканчэння ўніверсітэта (1938) вучыўся тры гады ў аспірантуры. Напісаў кандыдацкую дысертацыю на тэму «Паэзія М. А. Багдановіча».

Загінуў у жніўні 1942 года пры абароне Ленінграда ў раёне Мгі і быў пахаваны ў рабочым пасёлку № 8 Мгінскага раёна Ленінградскай вобласці^[1].

Першыя творы надрукаваў у 1931 годзе. У 1934 годзе ў Віцебску выйшаў зборнік вершаў «Вясновыя будні».

• Беларуская ССР: Кароткая энцыклапедыя. У 5-і т. Т.5.: Бібліяграфічны даведнік / Рэд. кал.: І. П. Шамякін і інш. — Мн.: Гал. рэд. БелСЭ імя П. Броўкі, 1981. — Т. 5. — 720 с. — 15 000 экз.