Рэгата (карная аперацыя)

Аперацыя «Рэгата»
Асноўны канфлікт: Другая сусветная вайна, Вялікая Айчынная вайна
Дата	4—7.10.1942
Месца	Горацкі і Дрыбінскі раёны
Прычына	Прысутнасць узброеных савецкіх партызанскіх падраздзяленняў у тыле групы армій «Цэнтр»
Статус	аперацыя завершана
Праціўнікі
Трэці рэйх:  СССР:

Аперацыя «Рэгата» (ням.: Unternehmen Regatta) — кодавая назва карнай аперацыі нямецкіх войск супраць партызанскай брыгады «Звязда», 2 атрадаў партызанскай брыгады «Чэкіст» і мясцовага насельніцтва ў Горацкім і Дрыбінскім раёнах 4—7.10.1942.

Аперацыя праводзілася 36-м ахоўным палком, сіламі старэйшага начальніка СС і паліцыі Расія — «Цэнтр», у тым ліку батальёнам 14-га паліцэйскага палка, мінамётнымі, танкавымі ротамі, ротай сувязі, паліцэйскім батальёнам «Поўнач», асобым батальёнам СС «Дырлевангера», спецыяльнымі сапёрнымі падраздзяленнямі. Карнікі блакіравалі ўсе лясныя масівы і населеныя пункты на захад ад Дрыбіна і на паўночны захад ад Горак. Партызанам і частцы мясцовых жыхароў удалося вырвацца з блакады.

Карнікі загубілі шмат цывільных жыхароў разрабавалі і спалілі вёскі, забралі жывёлу. У вёсках Добрая, Машкова, Ракотка былі пакінуты паліцэйскія падраздзяленні.

• Пасэ, У. С. Рэгата // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 546-547. — 680 с. — 20 000 экз. — ISBN 5-85700-012-2.