СТБ (украінскі тэлеканал)

СТБ
СТБ
Краіна	Украіна
Зона вяшчання	Украіна
Мова вяшчання	украінская
Фармат выявы	576i 16:9 (SDTV)
Дата пачатку вяшчання	2 чэрвеня 1997 года
Уладальнік	StarLightMedia
Кіраўнікі	Дзям’ян Радзівілюк
Слоган	Магчыма ўсё
Сайт	stb.ua/ua/ (укр.)

СТБ — украінскі тэлеканал. Пачаў вяшчанне ў 1997 годзе.

Заснавальнікамі тэлеканала з’яўляюцца ЗАТ «Міжнародны медыя цэнтр» і карпарацыя «Інтэрньюз Нэтварк» (ЗША).

З 1997 года СТБ кантраляваўся Уладзімірам Сіўковічам, якому ўласна і належыць ідэя стварэння канала на базе інфраструктуры, створанай «Інтэрньюз-Украіна», каманды, якая з верасня 1996 года на частотах «УТ-2» стварала навіны пад назвай «Вокны» і дадатковых магчымасцей кампаніі «ПроТБ». Бягучы менеджмент узначаліў Мікалай Княжыцкі.

Эфірнае аналагавае і лічбавае DVB-T2 — больш 95 % тэрыторыі Украіны, кабельнае, спадарожнікавае.

Па выніках 2004 года доля СТБ склала 3,71 % (Па піпламетрычнай панелі GfK Ukraine, аўдыторыя людзі 18+, горада 50 тыс. +), ужо ў 2005 годзе дасягнула 5,2 %, у 2006 — 6,05 %, 2007 — 6,7 %, у 2008 — 7,75 %, 2009 — 8,27 %, у 2010 — 9,82 %, 2011 — 9,9 %, (3-е месца сярод тэлеканалаў, якія транслююцца ва Украіне). Да 2011 года СТБ быў адзіным сярод украінскіх тэлеканалаў, які ўвесь час з года ў год падвышаў долю тэлепраглядаў.

У 2012 годзе доля канала трохі знілізася — да 9,8 %, у 2013 дасягнула 10,6 %, у 2014 скарацілася да 8,71 %.

• Вокны-Навіны
• У пошуках ісціны
• Дакументальны дэтэктыў
• Паралельны свет
• Містычныя гісторыі
• Дэтэктар хлусні
• Адзін за ўсіх
• Масфільм. Невядомая версія

• Украіна мае талент
• Танцуюць усе!
• Бітва экстрасенсаў
• Следства вядуць экстрасэнсы
• Зорнае жыццё
• Неверагодная праўда пра зоркі
• Мая праўда
• ВусаЛапаХвост
• Фермер шукае жонку
• Караоке на майдане
• Х фактар
• МайстарШэф
• Кулінарная дынастыя
• Куб
• Халасцяк
• Хата на тату
• Усё будзе добра — тэлечасопіс для жанчын

• Халасцяк
• Узважаныя і шчаслівыя
• Цяжарная ў 16 і яго пост-шоу
• Дочкі-маці
• Правілы жыцця
• Вясельныя бітвы
• Ратуйце нашу сям’ю
• Дарагая, мы забіваем дзяцей

З’яўляецца адным з нямногіх украінскіх каналаў, які выкарыстоўвае асобныя правілы харкаўскага правапісу ў некаторых тэлеперадачах, тым самым падвяргаючы сябе як станоўчым, так і крытычным каментарам з боку грамадства.

У той жа час, паводле даных маніторынгу актывістаў кампаніі «Байкот расійскага кіно», які яны правялі 27 верасня 2014 года, на тэлеканале СТБ доля рускамоўнага кантэнту складала каля 54 %.