Сансарол

Сансарол
	англ. Sonsorol
	; Востраў Фана
Характарыстыкі
Колькасць астравоў	4
Найбуйнейшы востраў	Сансарол
Агульная плошча	3,5 км²
Насельніцтва	100 чал. (2005)
Шчыльнасць насельніцтва	28,57 чал./км²
Размяшчэнне
	05°19′28″ пн. ш. 132°13′16″ у. д.HGЯO
Архіпелаг	Каралінскія астравы
Акваторыя	Ціхі акіян
Краіна	Палау;
	Сансарол
Медыяфайлы на Вікісховішчы

Астравы Сансарол (англ.: Sonsorol) — група з 4 астравоў на поўдні Палау. Складаюць асобны штат гэтай краіны. Агульная плошча — 3,5 км². Насельніцтва (2005 г.) — 100 чал.^[1]

Геаграфія

Астравы Сансарол фактычна з’яўляюцца часткай буйнога Каралінскага архіпелага. Уключаюць наступныя астравы каралавага паходжання:

Астравы Сансарол:

Назва	Насельніцтва	Плошча, км²	Каардынаты
Сансарол (Дангасара)	50	1,36	05°19′37″ пн. ш. 132°13′23″ у. д.^HGЯO
Тана		0,54	05°21′13″ пн. ш. 132°13′38″ у. д.^HGЯO
Пула-Анна	40	0,5	04°39′18″ пн. ш. 131°57′05″ у. д.^HGЯO
Мерыр	10	0,9	04°18′48″ пн. ш. 132°18′39″ у. д.^HGЯO

Адміністрацыйным цэнтрам штата Сансарол лічыцца вёска Дангасара на востраве Сансарол.

Гісторыя

Астравы былі адкрыты падчас экспедыцыі Магелана і нанесены на карты ў 1522 г. Прыкладна ў гэты ж перыяд яны былі населены мікранезійцамі. На мяжы XIX ст. і XX ст. мясцовае насельніцтва складала каля 200 чалавек.

У 1885—1899 гг. астравы ўваходзілі ў склад каланіяльных валоданняў Іспаніі, 1899—1914 гг. — Германіі. У гады I сусветнай вайны захоплены Японіяй. Японскія прадпрымальнікі наладзілі на Сансароле вытворчасць вэнджанай рыбы. Асабліва цяжкія ўмовы для тубыльцаў склаліся пад час II сусветнай вайны, калі з-за дрэннага забеспячэння харчам сярод іх пачаўся голад. У 1947 г. астравы трапілі пад апеку ЗША.

У 1994 г. Рэспубліка Палау абвясціла незалежнасць. Астравы Сансарол увайшлі ў яе склад у якасці асобнага штата.

Сансарольцы

Сансарольцы — карэннае насельніцтва астравоў Сансарол. Яны размаўляюць на асобнай мове, блізкай да палаўанскай і япанскай моў. Яна мае афіцыйны статус у штаце Сансарол. Лічыцца, што астравы Сансарол былі населены прыкладна 500 гадоў таму выхадцам з паўночнага ўсходу (магчыма, з астравоў Яп), Даўхепітам, і чальцамі яго сям’і. Галоўнымі заняткамі сансарольцаў здаўна з’яўляюцца рыбалоўства і вырошчванне хлебнага дрэва, клубневых культур, бананаў. У адрозненне ад насельніцтва асноўнай часткі Палау, мужчыны актыўна займаюцца земляробствам і зборам ураджаю. Тут адсутнічае сістэма адліку сваяцтва па маці целунгалек.

Эканоміка

Большасць дарослых насельнікаў астравоў Сансарол працуюць у адміністрацыі. Турызм мае абмежаваны характар, несістэматычна арганізуюцца прыватныя рыбалоўныя туры.