Свята-Ільінская царква (Ёды)

Славутасць
Свята-Ільінская царква
Ільінская царква ў Ёдах. Від з боку апсіды.
55°27′03″ пн. ш. 27°13′45″ у. д.HGЯO
Краіна	Беларусь
Вёска	Ёды
Канфесія	БПЦ
Епархія	Полацкая і Глыбоцкая епархія
Дата пабудовы	1945 год
Глобус Беларусі	globustut.by/iody/index.…
Медыяфайлы на Вікісховішчы

Свята-Ільінская царква — праваслаўны храм у в. Ёды Шаркаўшчынскага раёна Віцебскай вобласці.

У цэнтры вёскі. Пабудавана ў 1945 годзе з дрэва на месцы ранейшага храма (упамінаецца ў 1880).

Помнік народнага дойлідства. Працяглы прамавугольны зруб пераходзіць у трохсценную апсіду, над якой двухсхільны гонтавы дах пераходзіць у вальмавае пакрыццё. Галоўны плоскасны фасад завершаны трохвугольным франтонам з фігурнай шалёўкай і слыхавым аконным праёмам па цэнтры. Гарызантальна ашаляваныя фасады расчлянёны прамавугольнымі аконнымі праёмамі з аканіцамі.

Унутры перагародкай вылучаны вузкі прытвор, апсіда — драўляным 1-ярусным іканастасам простай работы, царскія вароты якога маюць 4 авальныя кляймы з выявамі евангелістаў. Абразы: «Святы Сімяон Богапрыемец», «Святы Васіль і Аляксандр Неўскі», «Архангел Гаўрыіл» (канец 18 — пачатак 19 ст.).

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• Свята-Ільінская царква (Ёды) на сайце Глобус Беларусі (руск.)
• Свята-Ільінская царква (Ёды) на сайце Radzima.org