Свята-Крыжаўзвіжанская царква (Лічыцы)

Праваслаўны храм
Свята-Крыжаўзвіжанская царква
53°11′52″ пн. ш. 24°25′03″ у. д.HGЯO
Краіна	Беларусь
Вёска	Лічыцы
Канфесія	Праваслаўе
Епархія	Гродзенская і Ваўкавыская
Благачынне	Ваўкавыскае
Архітэктар	Мікалай Ільіч Ціхвінскі
Дата пабудовы	1871 год
Стан	дзейнічае
Медыяфайлы на Вікісховішчы

Свята-Крыжаўзвіжанская царква — праваслаўны храм у в. Лічыцы Ваўкавыскага раёна Гродзенскай вобласці.

Пабудавана ў 1871 годзе з цэглы па праекце гродзенскага архітэктара Мікалая Ціхвінскага^[1].

Помнік архітэктуры сінадальнага накірунку рэтраспектыўна-рускага стылю. Вырашана па каноне чатырохчасткавага храма падоўжна-восевай кампазіцыі: двух'ярусны (васьмярык на чацверыку) прытвор-званіца, кароткая трапезная, кубападобная малітоўная зала, пяцігранная апсіда з бакавымі рызніцамі. Пакаты чатырохсхільны дах цэнтральнага аб'ёму завершаны цыбулепадобнай галоўкай на барабане, шацёр званіцы — яблыкам з крыжам. Фасады прарэзаны адзінарнымі і здвоенымі арачнымі аконнымі праёмамі ў кілепадобных ліштвах, крапаваны вуглавымі лапаткамі, апяразаны прафіляванымі карнізамі і аркатурнымі фрызамі.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.