Свята-Мікалаеўская царква (Дудзічы)

Царква
Свята-Мікалаеўская царква
52°44′49″ пн. ш. 30°50′23″ у. д.HGЯO
Краіна	Беларусь
Вёска	Дудзічы
Канфесія	Праваслаўе
Тып будынка	царква
Архітэктурны стыль	класіцызм
Дата пабудовы	XIX стагоддзе
Стан	згарэла
Глобус Беларусі	globustut.by/dudichi_ch/…

Свята-Мікалаеўская царква — былы помнік архітэктуры класіцызму. Пабудаваная ў першай палове XIX стагоддзя з дрэва ў в. Дудзічы Чачэрскага раёна.

Царква трохзрубная, складаецца з квадратнага ў плане двух'яруснага асноўнага аб'ёму, бабінца і пяціграннага алтарнага зрубу. Сцены завершаныя суцэльным поясам антаблементу. Над асноўны аб'ёмам васьмігранны купал з макаўкай, над бабінцам двух'ярусная званіца (васьмярык на чацверыку). Сцены будынку гарызантальна ашаляваныя, вуглы дэкарыраваныя дашчанымі накладкамі, якія імітуюць мураваны руст, шэраг вертыкальных дошчачак на фрызе ствараюць трыгліфы. Прамавугольныя вокны ў спрошчаных ліштвах з філёнгамі над імі. Інтэр'ер царквы зальны. Асноўнае памяшканне перакрытае васьмігранным скляпеннем. Столь бабінца і алтарнай часткі плоская.

Царква згарэла ў сакавіку 2002 года^[1][2].

• Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.

• Свята-Мікалаеўская царква (Дудзічы) на сайце Праваслаўная архітэктура Беларусі (бел.)
• Свята-Мікалаеўская царква (Дудзічы) на сайце Radzima.org
• Свята-Мікалаеўская царква (Дудзічы) на сайце Глобус Беларусі (руск.)