Свята-Міхайлаўская царква (Вострава, Слонімскі раён)

Праваслаўны храм
Свята-Міхайлаўская царква
52°57′50,1″ пн. ш. 24°59′43,64″ у. д.HGЯO
Краіна	Беларусь
Вёска	Вострава
Канфесія	Беларуская праваслаўная царква
Епархія	Брэсцкая
Архітэктурны стыль	беларускае народнае дойлідства
Архітэктар	невядомы
Дата пабудовы	XIX стагоддзе
Стан	дзейнічае
Глобус Беларусі	globustut.by/ostrovo_sl/…
Медыяфайлы на Вікісховішчы

Свята-Міхайлаўская царква — праваслаўная царква ў в. Вострава Слонімскага раёна^[1].

Пабудавана на могілках у XIX стагоддзі з дрэва. Царква — помнік народнага драўлянага дойлідства.

Трохнефны храм з прыбудаванымі апсідай, бабінцам і званіцай. Асноўны аб'ём і прамавугольная ў плане апсіда накрыты двухсхільным дахам з вальмамі над апсідай. Над ёю — васьмігранны барабан з цыбулепадобнай галоўкай. Нізкая прыбудова да апсіды (рызніца) накрыта асобным аднасхільным дахам. Званіца прамавугольная ў плане, двух'ярусная, з шатровым завяршэннем. Бакавыя фасады з паўцыркульнымі аконнымі праёмамі. Архітэктурны дэкор сціплы: карнізы, паясы сухарыкі, вертыкальная шалёўка.

У інтэр'еры васьмігранныя слупы з арачным злучэннем дзеляць прастору царквы на 3 нефы. Форма аркі выкарыстана і ў афармленні аконных праёмаў, алтарнай перагародкі, хораў.

• Памяць: Гіст.-дакум. хроніка Слонімскага раёна. — Мн.: БЕЛТА, 2004.— 752 с. — стар. 679.
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. - Мінск: Беларуская Энцыклапедыя, 2007. - 653 с. 2000 экз. ISBN 978-985-11-0389-4

	Свята-Міхайлаўская царква (Вострава, Слонімскі раён) на Вікісховішчы

• Свята-Міхайлаўская царква (Вострава, Слонімскі раён) на сайце Radzima.org
• Свята-Міхайлаўская царква (Вострава, Слонімскі раён) на сайце Глобус Беларусі (руск.)
• Свята-Міхайлаўская царква (Вострава, Слонімскі раён) на сайце «Архіварта»