Свята-Міхайлаўская царква (Струга)

Праваслаўны храм
Свята-Міхайлаўская царква
Свята-Міхайлаўская царква
51°50′57″ пн. ш. 26°53′31″ у. д.HGЯO
Краіна	Беларусь
Аграгарадок	Струга
Канфесія	Беларуская праваслаўная царква
Епархія	Пінская і Лунінецкая
Глобус Беларусі	globustut.by/struga/inde…
Медыяфайлы на Вікісховішчы

Свята-Міхайлаўская царква — праваслаўны храм у в. Струга Столінскага раёна Брэсцкай вобласці.

Знаходзіцца ў цэнтры вёскі. Пабудавана ў першай палове 20 ст. з дрэва.

Твор народнай архітэктуры. Вырашана кубападобным зрубам малітоўнай залы, да якога далучаны працяглы прамавугольны ў плане зруб аб'яднаных бабінца і прытвора, пяцігранная апсіда з бакавымі нізкімі рызніцамі. Над прытворам узведзена двух'ярусная (васьмярык на чацверыку) шатровая званіца з макаўкай. Пакаты чатырохсхільны дах малітоўнай залы завершаны васьмігранным шатровым светлавым барабанам з макаўкай. Гарызантальна ашаляваныя плоскасныя фасады прарэзаны прамавугольнымі аконнымі праёмамі ў разных ліштвах. Уваход нетрадыцыйна размешчаны з боку прытвора і вылучаны чатырохслуповым ганкам пад двухсхільным пакрыццём. Франтальны фасад расчлянёны ў 2 ярусы прамавугольнымі аконнымі праёмамі.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• На Вікісховішчы ёсць медыяфайлы па тэме Свята-Міхайлаўская царква (Струга)
• Свята-Міхайлаўская царква (Струга) на сайце Глобус Беларусі (руск.)