Свята-Пакроўская царква (Бярозавічы)

Праваслаўны храм
Свята-Пакроўская царква
52°09′25″ пн. ш. 25°51′59″ у. д.HGЯO
Краіна	Беларусь
Вёска	Бярозавічы
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	народнае дойлідства
Дата пабудовы	1878 год
Статус	Гісторыка-культурная каштоўнасць Беларусі, шыфр 112Г000552шыфр 112Г000552
Глобус Беларусі	globustut.by/berezovich/…
Медыяфайлы на Вікісховішчы

Свята-Пакроўская царква — праваслаўны храм у в. Бярозавічы (Пінскі раён). Размешчана ў цэнтры вёскі. Твор народнага дойлідства. Пабудавана ў 1878 г. з дрэва.

Занесена ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

Царква вырашана трохчасткавай падоўжна-восевай аб'ёмна-прасторавай кампазіцыяй — кубападобныя зрубы прытвора, малітоўнай залы, апсіды з бакавымі рызніцамі. Цэнтральны зруб накрыты чатырохсхільным пакатым дахам, завершаным па цэнтры двух'ярусным васьмігранным барабанам з цыбулепадобнай галоўкай. Дахі прытвора і апсіды двухсхільныя. Над прытворам узвышаецца званіца. Гарызантальна ашаляваныя фасады дэкарыраваны разьбой па дрэве.

Маецца абраз другой паловы 17 — 18 стст. «Узнясенне».

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.
• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000552

• Свята-Пакроўская царква (Бярозавічы) на сайце Radzima.org
• Свята-Пакроўская царква (Бярозавічы) на сайце Глобус Беларусі (руск.)
• Свята-Пакроўская царква (Бярозавічы) на сайце «Архіварта»