Свята-Раства-Багародзіцкая царква (Галубічы)

Славутасць
Свята-Раства-Багародзіцкая царква
55°06′26″ пн. ш. 27°55′45″ у. д.HGЯO
Краіна	Беларусь
Вёска	Галубічы
Канфесія	БПЦ
Епархія	Полацкая і Глыбоцкая епархія
Архітэктурны стыль	псеўдарускі стыль
Дата пабудовы	1914 год
Медыяфайлы на Вікісховішчы

Свята-Раства-Багародзіцкая царква — праваслаўны храм у вёсцы Галубічы Глыбоцкага раёна Віцебскай вобласці.

Пабудавана ў 1908 годзе з цэглы, асвечана 19 верасня (6 верасня па старым стылі) 1908 года^[1]. Папярэдні храм згадваецца ў 1622 годзе ў сувязі з тым, што «Ян Корсак Голубицкий, каштелян Полоцкий, живучи на свете в вере святой христианской греческой старожитной», ахвяраваў царкве маёнтак^[2].

Помнік архітэктуры неарускага стылю. Кубападобны двух'ярусны аб'ём накрыты самкнутым купалам з цыбулепадобнай галоўкай у завяршэнні. З франтальнага фасада далучаны прытвор, над якім надбудавана двух'ярусная чатырохгранная званіца, завершаная шатром з макаўкай. Арачны ўваходны праём вырашаны перспектыўным парталам. Фасады апяразаны густа прафіляванымі карнізамі, расчлянёны арачнымі аконнымі праёмамі з прафіляванымі броўкамі, расшыты гарызантальнай рустоўкай, дэкарыраваны вуглавымі ўразнымі калонкамі.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4