Свята-Троіцкая царква (Ляшчынава)

Славутасць
Свята-Троіцкая царква
54°56′08″ пн. ш. 25°57′54″ у. д.HGЯO
Краіна	Беларусь
Месцазнаходжанне	Ляшчынава

Свята-Троіцкая царква — праваслаўны храм на хутары Ляшчынава Астравецкага раёна Гродзенскай вобласці.

Пабудавана ў пачатку 20 ст. з дрэва як стараабрадніцкая.

Помнік архітэктуры мадэрна. Вырашана базілікальным двух’ярусным аб’ёмам, накрытым двухсхільным дахам. Над фасадам узведзена чатырохгранная шатровая званіца, завершаная макаўкай. Уваход вылучаны кансольным двухсхільным казырком. Бакавыя фасады рытмічна расчлянёны прамавугольнымі аконнымі праёмамі ў ліштвах, апяразаны разнымі зубчастым фрызам і падзорам.

Малітоўная зала падзелена на 3 рознай вышыні нефы гранёнымі слупамі, перакрыта плоскай столлю з адкрытай бэлечнай канструкцыяй, умацаванай вуглавымі падкосамі. Над унутраным прытворам размешчаны хоры з балюстрадай агароджай, якой вылучана і алтарная частка з паўкруглай вімай.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• На Вікісховішчы пакуль няма медыяфайлаў па тэме, але Вы можаце загрузіць іх
• http://globustut.by/leschinovo/index.htm