Свята-Успенская царква (Косіна)

Праваслаўная царква
Свята-Успенская царква
54°07′32,70″ пн. ш. 27°57′13,60″ у. д.HGЯO
Краіна	Беларусь
Вёска	Косіна
Канфесія	Праваслаўе
Епархія	Барысаўская епархія
Благачынне	Першае Лагойскае благачынне[1]
Тып будынка	царква
Дата пабудовы	1865 год
Стан	дзейнічае
Медыяфайлы на Вікісховішчы

Свята-Успенская царква — праваслаўны храм у в. Косіна Лагойскага раёна Мінскай вобласці.

У цэнтры вёскі. Пабудавана ў 1865 г. з дрэва.

Помнік народнага дойлідства. Храм крыжова-купальны, сіметрычна-восевай кампазіцыі. Да выцягнутага па падоўжнай восі васьміграннага аб'ёму, накрытага шатровым дахам, з 4 бакоў далучаны бабінец, 2 бакавыя прыдзелы і пяцігранная апсіда. У сяродкрыжжы гонтавых дахаў - васьмігранны барабан з шатровым верхам. Над прытворам была трох'ярусная званіца (не захавалася). Гарызантальна ашаляваныя фасады расчлянёны прамавугольнымі аконнымі праёмамі ў ліштвах з сандрыкамі.

У інтэр'еры сцены пакрыты шэра-блакітнай тынкоўкай і размалёўкай пад панэлі. Пры ўваходзе ў храм вылучаны невялікія памяшканні тамбура і бакавых клецей.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.