Свята-Успенская царква (Ніўнікі)

Праваслаўны храм
Свята-Успенская царква
55°38′56″ пн. ш. 27°21′39″ у. д.HGЯO
Краіна	Беларусь
Вёска	Ніўнікі
Канфесія	Стараверства
Архітэктурны стыль	народнае дойлідства
Дата пабудовы	1906 год
Статус	Гісторыка-культурная каштоўнасць Беларусі, шыфр 213Г000565шыфр 213Г000565
Стан	дзейнічае
Медыяфайлы на Вікісховішчы

Свята-Успенская царква — стараверскі храм у цэнтры вёсцы Ніўнікі Мёрскага раёна Віцебскай вобласці.

Пабудавана ў 1906 годзе з дрэва як стараабрадніцкая.

Помнік народнага дойлідства. Прамавугольны ў плане будынак накрыты двухсхільным дахам, які на галоўным фасадзе выходзіць трохвугольным франтонам. Над ім надбудавана двух’ярусная (васьмярык на чацверыку) званіца з макаўкай у завяршэнні. Макаўкай адзначана алтарная частка храма. Гарызантальна ашаляваныя фасады рытмічна расчлянёны лучковымі аконнымі праёмамі ў разных ліштвах. Уваход вылучаны ганкам з навіссю на 2 слупах.

Абразы 18 — 19 ст.: «Дзісус», «Жыццё Іаана Багаслова», «Уваскрасенне Хрыстова», «Святы Мікалай», «Ражджаство Хрыстова».

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 213Г000565

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1985. — Віцебская вобласць. — 496 с., іл. — С. 312
• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

• На Вікісховішчы ёсць медыяфайлы па тэме Свята-Успенская царква (Ніўнікі)
• Свята-Успенская царква (Ніўнікі) на сайце Radzima.org
• Свята-Успенская царква (Ніўнікі) на сайце Глобус Беларусі (руск.)
• Свята-Успенская царква (Ніўнікі) на сайце «Архіварта»