Свята-Ушэсцеўская царква (Кабішча)

Славутасць
Свята-Ушэсцеўская царква
55°25′25″ пн. ш. 30°13′17″ у. д.HGЯO
Краіна	Беларусь
Вёска	Кабішча
Канфесія	БПЦ
Епархія	Віцебская і Аршанская епархія
Архітэктурны стыль	псеўдарускі стыль
Глобус Беларусі	globustut.by/kabische/in…

Свята-Ушэсцеўская царква — праваслаўны храм у в. Кабішча Гарадоцкага раёна Віцебскай вобласці. Знаходзіцца на ўскраіне вёскі.

Пабудавана ў 1876 годзе з цэглы і каменю.

Помнік архітэктуры рэтраспектыўна-рускага стылю. Вырашана цэнтрычнай крыжовай у плане аб’ёмна-прасторавай кампазіцыяй, у аснове якой кубападобная малітоўная зала, пакаты шатровы дах якой завершаны цыбулепадобным купалам на васьмігранным барабане. Ніжэйшыя прамавугольныя ў плане прытвор, бакавыя прыдзелы і апсіда накрыты двухсхільнымі дахамі. На фоне паліхромнай маляўнічай бутавай муроўкі сцен вылучаны чырвонацагляныя элементы архітэктурнай пластыкі: плоскія карнізы і зубчастыя фрызы, рэльефныя крыжы, круглыя разеткі.

У інтэр'еры бакавыя памяшканні адкрываюцца ў малітоўную залу шырокімі арачнымі прасветамі.

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

• Свята-Ушэсцеўская царква (Кабішча) на сайце Глобус Беларусі (руск.)
• Свята-Ушэсцеўская царква (Кабішча) на сайце Radzima.org