Свята-Ушэсцеўская царква (Ставок)

Праваслаўны храм
Свята-Ушэсцеўская царква
Увазнясенская царква
52°11′46,86″ пн. ш. 26°04′11,7″ у. д.HGЯO
Краіна	Беларусь
Вёска	Ставок
Канфесія	Беларуская праваслаўная царква
Епархія	Пінская і Лунінецкая
Будаўніцтва	1853—1855 гады
Статус	Гісторыка-культурная каштоўнасць Беларусі, шыфр 112Г000581шыфр 112Г000581
Глобус Беларусі	globustut.by/stavok/inde…
Медыяфайлы на Вікісховішчы

Свята-Узнясенская царква — праваслаўны храм у в. Ставок Пінскага раёна Брэсцкай вобласці.

Знаходзіцца ў цэнтры вёскі. Пабудавана ў 1853 г. з дрэва^[1].

Помнік народнага дойлідства. Будынак складаюць 3 зрубы: прытвор, малітоўная зала і пяцігранная апсіда. Іх разнастайныя завяршэнні ствараюць маляўнічы сілуэт храма. Над прытворам узведзена двух'ярусная чацверыковая званіца, завершаная шатром з макаўкай. Асноўны кубападобны зруб накрыты пакатым чатырохсхільным дахам з васьмігранным светлавым барабанам пад сферычным купалам. Гарызантальна ашаляваныя фасады прарэзаны прамавугольнымі аконнымі праёмамі ў ліштвах, акаймаваны вуглавымі лапаткамі і карнізамі. Тры ўваходы аформлены двухслуповымі ганкамі з двухсхільнымі навісямі.

У інтэр'еры пануе двухсветлавая прастора малітоўнай залы, перакрытай пірамідальным скляпеннем, падтрыманым 4 слупамі.

• Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 112Г000581

• Свята-Ушэсцеўская царква (Ставок) на сайце Глобус Беларусі (руск.)
• Свята-Ушэсцеўская царква (Ставок) на сайце Radzima.org
• Свята-Ушэсцеўская царква (Ставок) на сайце «Архіварта»