Святлана Васільеўна Тарабарава

Святлана Васільеўна Тарабарава
Святлана Васільеўна Тарабарава
	укр.: Світлана Василівна Тарабарова
Асноўная інфармацыя
Дата нараджэння	26 ліпеня 1990 (34 гады)
Месца нараджэння	Херсон, Херсонскі гарадскі савет[d], Херсонская вобласць, УССР, СССР;
Краіна	Украіна;
Музычная дзейнасць
Прафесіі	спявачка, вырабнік, актрыса, музычны прадзюсар, танцоўшчыца
Інструменты	вакал
Жанр	поп-музыка
tarabarova.com (укр.)
	Медыяфайлы на Вікісховішчы

Святлана Васільеўна Тарабарава (укр.: Світлана Василівна Тарабарова; нар. 26 ліпеня 1990, Херсон, Украінская ССР) — украінская спявачка, кампазітар і аўтар песень, музычны прадзюсар, актрыса, уладальніца Нацыянальнай музычнай прэміі «Песня года 2014», намінант нацыянальных музычных прэмій^[1]. Былая салістка поп-гурта Real O.

Біяграфія

Нарадзілася ў Херсоне. Бацька працаваў на заводзе, маці была выхавальнікам у садочку. У дзяцінстве мела мару стаць кіроўцам, але цяга да музыкі ўсё ж перамагла, таму, скончыўшы школу, Святлана пераехала ў Кіеў вучыцца ў Кіеўскую муніцыпальную акадэмію эстрадных і цыркавых мастацтваў^[2]. З 13 гадоў Тарабарава выступала ў танцавальным калектыве «Аазіс».

Асабістае жыццё

Муж — Аляксей Бондар. Пазнаёміліся ў 2011 годзе ў Адэсе на Дзерыбасаўскай, праз 5 гадоў у кастрычніку выйшла за яго замуж.

9 верасня 2018 нарадзіла сына^[3], якога назвала Іван.

23 верасня 2020 года нарадзіла дачку Марыю.

Кар’ера

У 2008 годзе стала ўдзельніцай «Фабрыкі зорак» пад псеўданімам Аліса Тарабарава, дзе стала адной з самых яркіх і таленавітых удзельнікаў праекта. Святлана стала адной з улюбёнак Наталлі Магілёўскай, бо менавіта яна аддала дзяўчыне свой танцавальны сольны нумар, калі Аліса пасля аперацыі прапусціла адзін канцэрт^[4].

Заняўшы на праекце другое месца, Тарабарава стала ўдзельніцай новага жаночага гурта Real O, у якім прабыла чатыры гады^[5].

У 2012 годзе Тарабарава пачала сольную кар’еру, адмовіўшыся ад псеўданіма Аліса на карысць сапраўднага імя^[6].

У 2016 годзе прымала ўдзел у паўфінале нацыянальнага адбору песеннага конкурсу «Еўрабачанне 2016».