Свідзіна

Свідзіна
Свідзіна крывава-чырвоная (Cornus sanguinea)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Кізілакветныя Сямейства:  Кізілавыя Падсямейства:  Кізілавыя Род:  Кізіл Падрод:  Свідзіна
Міжнародная навуковая назва
Swida Opiz, 1838
Сістэматыка на Віківідах Выявы на Вікісховішчы NCBI   753093 GRIN   g:17308 IPNI   1110032-2

Свідзі́на^[1] (Swida) — падрод раслін роду Кізіл (Cornus) у сямействе Кізілавыя (Cornaceae).

Лістападныя кусты або дрэвы вышынёй 1,5—6 м. Лісце супраціўнае, суцэльнае, чаранковае. Кветкі белыя, у шчытка- ці парасонападобных суквеццях. Плод — сакаўная, чорная або белая касцянка.

Уключаны як падрод у род Кізіл (Cornus), часам вылучаюць у асобны род.

Каля 20—30 відаў.

Пашыраны ва Усходняй Азіі і Паўночнай Амерыцы. У Беларусі 1 від — Свідзіна крывава-чырвоная (Cornus sanguinea). Трапляецца на схілах у лісцевых і мяшаных лясах. Больш за 10 відаў прайшлі інтрадукцыйную праверку ЦБС НАН РБ^[1]. Выведзена шмат садовых форм.

Дэкаратыўныя, тэхнічныя і меданосныя расліны. З насення атрымліваюць тэхнічны алей. З галін вырабляюць кошыкі і маты. Драўніна выкарыстоўваецца ў дэкаратыўным мастацтве. Расліны высаджваюць з мэтай замацавання пяскоў і схілаў.

• Скуратовіч А. М. Свідзі́на // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 255. — 10 000 экз. — ISBN 985-11-0035-8. — ISBN 985-11-0238-5 (т. 14).
• Бабарэка Я. З. Свідзі́на // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — С. 462—463. — 599 с., іл. — 10 000 экз.
• Свиди́на // Т. 23. Сафлор — Соан. — М. : Советская энциклопедия, 1976. — С. 76. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)

• Свидина — род Swida: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)