Сельское хозяйство Белорусии

«Сельское хозяйство Белорусии»
Тып	часопіс
Краіна	БССР
Заснавана	1925
Мова	беларуская і руская
Узнагароды

«Сельское хозяйство Белорусии» (бел.: Сельская гаспадарка Беларусі) — штомесячны часопіс, які выдаваўся з 1925 года ў Мінску.

З 1925 года выходзіў пад назвай «Плуг», у 1929—1933 гадах «Шляхі калектывізацыі», са студзеня 1953 года па 1956 года «Калгаснік Беларусі». З 1956 года назва «Сельское хозяйство Белорусии». Выходзіў спачатку на беларускай, з 1953 года на беларускай і рускай мовах, з 1966 года на рускай мове^[1].

Выдаваўся як вытворчы часопіс Міністэрства сельскай гаспадаркі, Міністэрства меліярацыі і воднай гаспадаркі, Міністэрства нарыхтовак БССР, Дзяржаўнага камітэта БССР па вытворча-тэхнічным забеспячэнні сельскай гаспадаркі, Белкаапсаюза^[1].

Быў разлічаны на шырокі круг чытачоў. Прапагандаваў дасягненні сельскагаспадарчай навукі і перадавога вопыту, асвятляў пытанні інтэнсіфікацыі сельскагаспадарчай вытворчасці на аснове механізацыі, аўтаматызацыі земляробства і жывёлагадоўлі, меліярацыі зямель, лясной гаспадаркі, аховы прыроды і інш^[1].

Узнагароджаны ордэнам «Знак Пашаны» (1975)^[1].

• «Сельское хозяйство Белорусии» // Белорусская ССР: Краткая энциклопедия в 5 т. (руск.) / Ред. колл.: П. У. Бровка и др. — Мн.: «Белорусская советская энциклопедия» имени Петруся Бровки, 1980. — Т. 3. Наука и научные учреждения. Техника и технология. Народное образование. Культурно-просветительные учреждения. Печать, телевидение, радиовещание. Здравоохранение. Физкультура и спорт. — 616 с. — 50 000 экз.