Спораўскае

Спораўскае возера
Морфаметрыя
Вышыня над узроўнем мора	138 м[1]
Даўжыня	5,6 км
Шырыня	3 км
Плошча	11,5 км²
Аб’ём	0,0187 км³
Даўжыня берагавой лініі	19,5 км
Найбольшая глыбіня	2,2 м
Сярэдняя глыбіня	1,4 м
Гідралогія
Салёнасць	да 0,2 ‰
Празрыстасць	0,5 м
Басейн
Плошча вадазбору	3030 км²
Упадаюць	Ясельда, Плёса
Выцякаюць	Ясельда
Размяшчэнне
Краіна	Беларусь
Рэгіён	Брэсцкая вобласць
Спораўскае возера
Спораўскае возера

Спо́раўскае во́зера^[2] — возера на мяжы Бярозаўскага і Драгічынскага раёнаў Брэсцкай вобласці Беларусі. Знаходзіцца ў 26 км на паўднёвы ўсход ад горада Бяроза, каля аграгарадка Спорава ў Спораўскім заказніку, недалёка ад Спораўскіх балот.

Плошча паверхні — 11,5 км², вадазбору — 3030 км². Найбольшая даўжыня 5,6 км, найбольшая шырыня 3 км, найбольшая глыбіня — 2,2 м, сярэдняя глыбіня — 1,4 м, даўжыня берагавой лініі — 19,5 км. Праз Спораўскае возера працякае рака Ясельда, упадае рака Плёса і некалькі ручаёў.

Цэнтральная частка ложа выслана сапрапелем, дно да глыбіні 0,5—0,7 м пясчанае. Схілы катлавіны нізкія, на паўночным захадзе вышынёй да 5 м, забалочаныя, парослыя хмызняком. Берагі тарфяністыя, забалочаныя, на поўначы пясчаныя. Возера эўтрофнае. Прыбярэжная расліннасць распаўсюджваецца на адлегласці 150—200 м ад берага і да глыбіні 0,5 м.

Мясцовая фаўна прадстаўлена:

• 20 відамі млекакормячых
• 112 відамі птушак (з якіх 17 занесены ў Чырвоную кнігу)
• 6 відамі рэптылій
• 8 відамі амфібій.

Спораўскае возера — гэта самае буйное ў Еўропе месцапражыванне вяртлявай чаротаўкі.

• Спораўскае возера // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 119. — 10 000 экз. — ISBN 985-11-0035-8. — ISBN 985-11-0251-2 (т. 15).

• Государственное природоохранное учреждение "Республиканский биологический заказник «Споровский» Архівавана 5 сакавіка 2016. (руск.)
• Постановление Совета Министров Республики Беларусь от 23 февраля 1999 г. № 281 О республиканском биологическом заказнике «Споровский» (руск.)